Olmaliq kon-metallurgiya kombinati va Rossiyaning Uralmashzavodi (UZTM-Ural og’ir mashinasozlik zavodi) bosh boyitish fabrikasida modernizatsiyalashni amalga oshirish borasida bitimni imzoladi.

Kompaniyalar o’rtasida imzolangan shartnoma(bitim-kontrakt)ga asosan “Uralmashzavod” mis boyitish fabrikasining barcha texnologik liniyalarini zamonaviy muhandislik yechimlari bilan uyg’unlashgan yangi yuqori quvvatli va samarador qurilma(uskuna, jihoz)larga to’liq almashtiradi.  Jumladan, bu yerda  po’latlarning ancha yuqori  bardoshli markalari, yangi materiallar va yanchish kameralarining maxsus profil(ko’rinish)lari qo’llaniladi, boshqaruv va nazoratning avtomatlashtirilgan tizimlari joriy etiladi.

"Biz SFI Management  va OKMK rahbariyatidan fabrikani modernizatsiya qilish loyihasi masalasi yechimini topishiga konstruktiv yondoshuvi uchun bag’oyat minnatdormiz. SFI Management barcha variantlarni jiddiy ko’rib chiqqan holda optimal qaror qabul qildi: unga ko’ra, minimal sarf-xarajatlar va  qisqa muddatlarda  Mis boyitish fabrikasini mukammal kompleksli rekonstruksiya qilish amalga oshiriladi. Zamonaviy texnologiyalar qisqa muddatlarda asosiy vazifalar - oqlab bo’lmaydigan turib qolishlarni qisqartirish va ishlab chiqarish ko’rsatkichlarini oshirishni hal qilish imkonini beradi”- deya ta’kidlab o’tadi "UZTM-Karteks" boshqaruv kompaniyasining  bosh direktori  Yan Senter.

Shartnoma doirasida  bir yil ichida jami 20 to’liq avtomatlashtirilgan yanchish komplekslari, 30ta g’alvir va 2ta sharli tegirmonlar yetkazib beriladi.  Ishlab chiqarishni qayta jihozlash barcha bo’g’inlarda energiya sarf-harajatlarini, mehnat sarfini keskin kamaytiradi, mahsulot sifati va ish samaradorligi oshishiga xizmat qiladi.

Bugungi kunga kelib kombinatda ikkita Mis boyitish fabrikasi faoliyat yuritib kelmoqda. Mazkur korxonalar tomonidan Qalmoqqir va Sariq-cho’qqi kon maydonlarining  sulfidli mis-molibden  rudalari boyitilib, ulardan rangli metallardan tashqari  qimmatbaho va nodir metallar saralab olinmoqda. Bu yerda foydalanilayotgan jihozlar  ham ma’nan ham texnologik nuqtai nazardan eskirgan, ular energiya samaradorlik va solishtirma ishlab chiqarish quvvatlari bo’yicha talab qilinadigan ko’rsatkichlarni qayd etishga qodir emas.  Shu sababli ham  korxonani tubdan modernizatsiyalashga qaror qilindi.

Olmaliq KMK – nafaqat  Respublikada balki O’rta Osiyo mintaqasidagi o’ziga xos tog’-konchilik kompleksi, rangli metallurgiya sanoatining yirik korxonasi va tog’ jinslarini qazib olish va qayta ishlashga ixtisoslashgan korxona hisoblanadi.

Kombinat O’zbekistondagi yagona mis ishlab chiqaruvchidir. Korxona raffinajlangan mis, metalli rux, molibden, qo’rg’oshin konsentrati va boshqa mahsulotlarni ishlab chiqaradi. Mamlakatda ishlab chiqarilayotgan kumushning  90%, va oltinning 20 % ulushi OKMKga to’g’ri keladi. 2018 yilning avgust oyida korxonaning davlat ulushi SFI Management Group kompaniyasining ishonchli boshqaruviga berilgan.