Kombinatimiz tarixi mamlakatimiz tarixi, uning og‘ir sanoatining rivojlanishi bilan uzviy bog‘liqdir. Olmaliq kon-metallurgiya kombinatining ilmiy, ijodiy salohiyati haqida gapirganda, uning bir bo‘linmasi - loyihalash ishlari boshqarmasining ishlari va odamlari haqida gapirmaslik mumkin emas. Uning dastlabki nomi loyiha-konstruktorlik bo‘limi edi. U 1958 yilda mis-molibden va qo‘rg‘oshin-rux kombinati birlashganda tashkil etilgan.

O‘tgan asrda loyiha-konstruktorlik bo‘limi jamoasining birinchi vazifasi shaharni va boyitish fabrikalarini suv bilan ta'minlash loyihasini ishlab chiqish edi. Ushbu masala Angren daryosi havzasidan daryo tubini o‘zgartirmasdan suv olish yo‘li bilan hal qilindi. Bo‘lim mutaxassislari tomonidan amalga oshirilgan loyihalarga ko‘ra, Olmaliqni yaxshi ichimlik suvi bilan ta'minlaydigan suv olish va suv nasos stansiyalari qurildi. Gidrometallurgiya sexi, mis eritish zavodining “dore” affinaj qotishmalari uskunasi, Olmaliq sovxozi uchun sut tovar fermasi, parrandachilik, molxona loyihalari, Terekli qishlog‘ida 270 o‘quvchiga mo‘ljallangan maktab binosi, armirlangan-polietilen plyonka ishlab chiqarish sexi, paypoq ishlab chiqarish bo‘yicha sex loyihalari amalga oshirildi.

Mehnat jamoasi tomonidan ijtimoiy-madaniy ahamiyatga ega ob'ektlarni loyihalar bo‘yicha salmoqli ishlari amalga oshirildi. Xususan, “Tong” bolalar sog‘lomlashtirish oromgohi va “Moviy tog‘lar” dam olish maskani, OKMK sport inshootlari, sanatoriya-profilaktoriya, 611 o‘rinli maishiy va madaniy kompleksga ega “Metallurg" ko‘p qavatli yotoqxonasi shular jumlasidan. Shuningdek profilaktoriya, maktablar, shifoxonalar, bolalar bog‘chalari, Toshkent tibbiyot instituti filiali binosi, sutli oshxonalarni rekonstruksiya qilish loyihalari tayyorlandi.

Prezidentning 2008-yil 29-apreldagi PQ-847-sonli qarori bilan LIB O‘zbekiston Respublikasining bosh loyihalash institutlari bilan bir qatorda yetakchi loyihalash va tadqiqot tashkilotlari ro‘yxatiga kiritilgan.

Bugungi kunda loyiha ishlari boshqarmasida eng keksa malakali mutaxassislar bilan bir qatorda zamonaviy komp'yuter texnikasi va ofis uskunalari asosida avtomatlashtirilgan dasturlarni loyihalash texnologiyasiga yanada joriy etish uchun AutoCAD kabi grafik ilovlari bilan ishlash ko‘nikmalariga ega bo‘lgan oliy o‘quv yurtlarining yosh bitiruvchilari mehnat qiladi.

Loyiha ishlari boshqarmasi tarkibida kiradi:

• Loyihalarning bosh muhandislari byurosi;
• Texnologik bo‘lim;
• Loyihalarni texnik-iqtisodiy asoslash va qurilishni tashkil etish loyihalarini baholash bo‘limi;
• Arxitektura va qurilish bo‘limi;
• Loyiha-smeta hujjatlarini ishlab chiqish bo‘yicha kompleks guruh;
• Bosh reja va transport sektori;
• Muhandislik tarmoqlari va kommunikasiya loyihalarini rivojlantirish sektori;
• Loyihalarning elektrotexnik qismini ishlab chiqish bo‘yicha yektori;

Faoliyat turi:

-  loyihalashning barcha bosqichlarida (PTER, PTEO, TER, TEO, RP, RD) mavjud ishlab chiqarish ob'ektlari va alohida ob'ektlarni qurish, rekonstruksiya qilish, texnik qayta jihozlash uchun rejalashtirilgan yuqori sifatli loyiha-smeta hujjatlarini taqdim etish;

- yangi qurilish loyihalari va smetalarini ishlab chiqish, alohida texnologik jarayonlarni rekonstruksiya qilish, og‘ir va ko‘p mehnat talab qiladigan ishlarni mexanizasiyalash, muhandislik tarmoqlari va inshootlarini rekonstruksiya qilish, shuningdek namunaviy qurilish maydonchalari, bino va inshootlarning loyihalari, asbob-uskunalar, mexanizmlar va inshootlarni bog‘lash bilan bog‘liq loyihalash ishlarini bajarish.

- So‘nggi yillarda Loyihalash ishlari boshqarmasi Davlat loyihalash institutlari darajasida “Olmaliq KMK” AJ ishlab chiqarishni modernizasiya qilish, texnik va texnologik qayta jihozlash dasturi bo‘yicha bir qator loyihalarni amalga oshirdi.

LIB boshlig‘i: Uraimov Anvarjon Xashimjanovich

Telefon: (+998 71) 141-90-09

E-mail: info@agmk.uz