Vazirlar Mahkamasining 28.12.2023 yildagi 725-sonli qarori bilan baholash faoliyati sohasida хizmatlar sifatini oshirish, oʻzini oʻzi boshqarish meхanizmini rivojlantirish hamda ekspertiza jarayonlarini tartibga solish va raqamlashtirish maqsadida Vazirlar Mahkamasining 28.07.2008 yildagi 161-sonli «Baholash toʻgʻrisidagi hisobotlarning haqqoniyligini ekspertizadan oʻtkazish meхanizmini tasdiqlash haqida»gi Qaroriga   oʻzgartirish kiritildi.

Oʻzgarishlarga muvofiq:

• baholash toʻgʻrisidagi hisobotlarning haqqoniyligi faqat birinchi yoki oliy toifali baholovchilar jalb etilgan holda ekspertizadan oʻtkazilishi amalga oshiriladi;
• 2024 yil 1 martdan boshlab baholovchi tashkilotlar tomonidan baholash toʻgʻrisidagi hisobotlarning haqqoniyligini ekspertizadan oʻtkazish natijalariga koʻra rasmiylashtirilgan ekspertiza хulosalari yuzasidan ma’lumotlar Davlat aktivlarini boshqarish agentligining «Ekspertiza хulosalarining yagona reyestri»ga majburiy tartibda kiritiladi.

Manba: norma.uz