2025 yilda “Olmaliq KMK” AJ mahalliylashtirish dasturini amalga oshirish doirasida 105 ta loyiha boʻyicha umumiy hajmi 1283,9 mlrd soʻmlik tayyor mahsulotlar, butlovchi buyumlar va materiallarni ishlab chiqarish rejalashtirilgan, jumladan:

- poʻlat va choʻyandan quyma ehtiyot qismlar - 152,2 mlrd soʻm;

- nostandart uskunalar - 11,3 mlrd soʻm;

- GRT va GRAT nasoslariga ehtiyot qismlar - 12,1 mlrd soʻm;

- tegirmon uskunalariga ehtiyot qismlar - 20,0 mlrd soʻm;

- maydalash uskunalariga ehtiyot qismlar - 2,0 mlrd soʻm;

- ekskavatorlar va burgʻulash stanoklariga ehtiyot qismlar - 11,9 mlrd soʻm;

- mahalliy hom ashyoni chuqur qayta ishlash mahsulotlari - 55,7 mlrd soʻm;

- temir yoʻl transporti va yoʻllariga, togʻ-kon uskunalari, avtotransport va texnologik transportlar uchun ehtiyot qismlar) - 13,4 mlrd soʻm;

- emulsion portlovchi moddalar - 245,3 mlrd soʻm;

- metalkonstruksiyalar - 635,8 mlrd soʻm;

- konveyer roliklari - 6,0 mlrd soʻm;

- ta’mirlash mexanika uchastkalari - 30,4 mlrd soʻm;

- boshqalar - 87,8 mlrd soʻm.

Mahalliylashtirish dasturining amalga oshirilishi 99,5 mln doll. miqdorida xorijiy valyuta mablagʻlarini tejash imkonini beradi.

Mahalliylashtirilgan mahsulotlarni ishlab chiqarish Kombinatning quyidagi tarkibiy boʻlimlarida amalga oshiriladi:

- Markaziy ta’mirlash mexanika zavodi;

- Rux zavodi;

- Mis eritish zavodi;

- Portlovchi materiallar zavodi;

- Ixtisoslashtirilgan ta’mirlash ishlari boshqarmasi;

- Innovatsion texnologiyalarni ishlab chiqarish va tadbiq etish boʻyicha texnologik markazi.

Mahalliylashtirilgan mahsulotlar ishlab chiqarishni tashkil etish uchun Kombinat tomonidan so’nggi yillarda quyidagi uchastkalar ishga tushirildi:      

- Togʻ kon - shaxta uskunalarini ishlab chiqarish sexi;

- Sulfat sink ishlab chiqarish uchastkasi;

- RAM qotishmalarini ishlb chiqarish uchastkasi;

- Rux oksidini ishlab chiqarish uchastkasi;

- Oltin va kumushni affinaj  boʻyicha ishlab chiqarish uchastkasi;

- Emulsion portlovchi moddalarni ishlab chiqarish boʻyicha uchastka;

- Kimyoviy chidamkor mahsulotlar ishlab chiqarish boʻyicha uchastka.

Yaqin kelajakda mahalliylashtirilgan mahsulotlarni ishlab chiqarishni koʻpaytirish maqsadida mashinasozlik zavodini yaratish koʻzda tutilgan, natijada import orqali sotib olinayotgan maydalash-yanchish va qayta ishlash uskunalari, togʻ kon-shaxta, ehtiyot qismlar va butlovchi buyumlar, yangi turdagi uskunalar ishlab chiqarishni oʻzlashtirish imkonini beradi.

*Izoh: “O’zbekiston texnologik metallar kombinati” AJ bilan birgalikda mahalliylashtirish dasturi 1535 mlrd soʻmni tashkil etardi.