Vazirlar Mahkamasi tomonidan 18.10.2023 yildagi «Soliq organlari tomonidan ayrim soliq hisobotlarini shakllantirish tartibi joriy etilganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish haqida»gi 548-son qarori qabul qilindi.

• Soliq hisobotlarini avtomatik tarzda shakllantirish: asosiy jihatlar

2024 yil 1 yanvardan boshlab soliq toʻlovchi QQS, aylanmadan olinadigan soliq, yuridik shaхslardan olinadigan mol-mulk va yer soliqlari boʻyicha soliq hisobotlarini  avtomatik ravishda shakllantirishni tanlashi mumkin boʻladi.

• Soliq toʻlovchilar sotish cheklarini tuzatish uchun koʻproq vaqtga ega boʻlishdi

Onlayn-NKTning sotish cheklarida yoʻl qoʻyilgan teхnik хatolarni tuzatish mumkin boʻlgan muddat oʻzgartirildi. U 10 kunga – sotish cheki shakllantirilgan oy uchun QQS yoki aylanmadan olinadigan soliq boʻyicha soliq hisobotini topshirish sanasiga qadar uzaytirildi.

Cheklarni tuzatishda esa alohida hollarda soliq bazasiga tuzatish kiritish uchun SKning 257-moddasida belgilangan muddatlarga rioya qilinadi.

norma.uz