Kuni kecha “Oʻzbekiston  Respublikasining “Manfaatlar  toʻqnashuvi  toʻgʻrisida”gi  qonunchilik  hujjatlari  ijrosini “Olmaliq KMK”AJ  va  uning  tizimida  samarali  tashkil  etish  choralari  toʻgʻrisida”gi buyruq qabul qilindi.

Unga koʻra, Oʻzbekiston Respublikasi Korrupsiyaga qarshi kurashish agentligi direktorining 2024-yil 5-noyabrdagi “Mavjud manfaatlar toʻqnashuvi toʻgʻrisidagi Xabarnoma, ehtimoliy manfaatlar toʻqnashuvi toʻgʻrisidagi Deklaratsiyalar va Manfaatlar toʻqnashuvini hisobga olish Reyestrining namunaviy shakllarini tasdiqlash haqida”gi 3569-son buyrugʻi  
(keyingi oʻrinlarda - Buyruq) rahbarlik va ijro uchun qabul qilindi.

Boshqaruv raisi oʻrinbosarlari va barcha boʻgʻin rahbarlari oʻz yoʻnalishlarida Oʻzbekiston Respublikasining “Manfaatlar toʻqnashuvi toʻgʻrisida”gi OʻRQ-931-son Qonun va Prezidentimizning PQ-210-son Qaror talablarini samarali joriy etish, barcha xodimlarni (shu jumladan, xorijiy mutaxassislarni) qamrab olish ҳамда tushuntirish ishlarini tizimli tashkil etish uchun shaxsan masʼul etib belgilanishi buyruqda oʻz aksini topgan.

Shuningdek, buyruq ijrosini taʼminlash boʻyicha boshqaruv raisining xavfsizlik boʻyicha oʻrinbosari va boshqaruv raisining xodimlar va ijtimoiy masalalar boʻyicha oʻrinbosari Kombinat Odob-axloq komissiyasining raisi hamraisligida kombinat muvofiqlashtirish komissiyasining shaxsiy tarkibi ushbu buyruqning ilovasiga muvofiq tasdiqlandi.

Muvofiqlashtirish komissiyasining asosiy vazifasi sifatida, kombinatdagi barcha daraja va boʻgʻindagi rahbarlar, ijrochilar hamda masʻullar,  shu jumladan chet el fuqarolari (xorijiy  mutaxassislar) tomonidan Buyruq  bilan tasdiqlangan Xabarnoma, Deklaratsiyalar  shakllarini qonunchilikda belgilangan muddatlarda, toliq hajmda, sifatli 
va  haqqoniy ma’lumotlarni kiritish, shuningdek  Reyestrni  yuritish  ishlarini tizimili nazorat hamda monitoring  qilish belgilandi.

Boshqaruv raisi oʻrinbosarlari va barcha boʻgʻin rahbarlari (tashkiliy shakli va boʻysunuvidan qatʼi nazar) Buyruq bilan tasdiqlangan Xabarnoma, Deklaratsiyalar va Reyestr hisobotlarini har yili 10-yanvarga qadar kombinatning Komplayens boʻlimiga majburiy tartibda taqdim etilishini taʼminlashi buyruqda belgilab qoʻyildi.

Komplayens boʻlimi, taqdim etilgan Xabarnoma, Deklaratsiyalar va Reyestrlarni umumlashtirgan holda va qonunchilikda belgilangan muddat va tartibda, Oʻzbekiston Respublikasining Korrupsiyaga qarshi kurashish agentligi hamda boshqa yuqori turuvchi davlat boshqaruv organlariga taqdim etilishini taʻminlaydi.

Deklaratsiyalarni  belgilangan  muddatlarda  taqdim  etmagan,  taqdim etishdan bosh tortgan,  belgilangan shakllarga  nomutanosib  holda toʻldirilgan yoki manfaatlar toʻqnashuvi holatlarini yashirgan xodimlar, shu jumladan, chet el fuqarolari/xorijlik mutaxassislar toʻgʻrisidagi  maʼlumotlarni  qonunchilikda  belgilangan  tartibda  chora koʻrish uchun Kombinatning  Odob-axloq komissiyasi hamda O’zbekiston Respublikasining Korrupsiyaga  qarshi  kurashish  agentligiga  taqdim  etilishini  taʼminlash ham buruqda koʻrsatib oʻtilgan.

 Kombinatdagi barcha daraja va boʻgʻindagi rahbarlar, ijrochilar, hamda masʻullar tomonidan, shu jumladan, chet el fuqarolari/xorijlik mutaxassislar tomonidan manfaatlar to’qnashuviga oid  Xabarnoma, Deklaratsiyalar  shakllarini  toʻldirish va taqdim etishdan bo’yin tovlash, Reyestrni yuritishdan bosh tortish, Deklaratsiyalar va Xabarnomalarni toʻldirish
va taqdim etish muddatlariga amal qilmaslik, sababsiz  ravishda  yoki  qasddan notoʻgʻri ma’lumotlarni  kiritish,  mavjud  (real)  manfaatlar toʻqnashuvi holatlarini  yashirish  sifatida baholanish hamda Maʼmuriy javobgarlik  toʻgʻrisidagi Kodeksining 193⁴-moddasi (https://lex.uz/ru/docs/97661) “Manfaatlar toʻqnashuvi toʻgʻrisidagi qonunchilik talablarini  bajarmaslik” moddasida belgilangan  sanksiyalar qo’llanishi  to’g’risida  ogohlantirilishi belgilandi.

 Kombinatda manfaatlar toʻqnashuvi bilan bogʻliq  holatlarni bartaraf  etish  ishlari “Olmaliq KMK” AJning 2022-yil 24-oktyabrdagi 001228 son Buyrugʻiga muvofiq, Kombinatning Odob-axloq komissiyasi (S.B.Shermatov) tomonidan amalga oshirilishi ma’lumot o’rnida  qabul  qilindi.

Raqamlashtirish departamenti bir oylik muddatda Kombinatning axborot  tizimlari, maʻlumotlar bazalari, savdo va xaridlar  platformalari va boshqa dasturiy taʼminotlarini  Qonun, Qaror hamda Buyruq bilan belgilangan talablarga muvofiqligini tahlil qilish va oʻrganish, zaruratga koʻra, ularni takomillashtirish, chunonchi manfaatlar toʻqnashuviga  oid Deklaratsiyalarni  toʻldirish,  Xabarnomani  to’ldirish  va  jo’natish, shuningdek Reyestrni yuritish, manfaatlar  toʻqnashuviga oid hisobotlarni shakllantirish, umumlashtirish  va joʻnatish  bilan  bogʻliq  barcha  jarayonlarni  raqamlashtirish  choralarini  koʻrishi belgilandi.