• Ishonch telefoni

    (+998 70) 619-23-33
Рус O'z En
Ishonch telefoni
Qayta bog'lanish

Oʻzbekistonning 2024-2025 yillarga moʻljallangan innovatsion rivojlanish strategiyasi qanday amalga oshiriladi

25 Mart 2024, 9:32 268

Vazirlar Mahkamasining 13.03.2024 yildagi 128-son “Oʻzbekiston Respublikasining innovatsion rivojlanish strategiyasini 2024-2025 yillarda amalga oshirish chora-tadbirlari toʻgʻrisidagi”gi qarori qabul qilindi.

Hujjat bilan Oʻzbekistonning innovatsion rivojlanish strategiyasini 2024-2025 yillarda amalga oshirish boʻyicha «Yoʻl хaritasi» tasdiqlandi. U quyidagilarni nazarda tutadi:

  • innovatsion infratuzilma sub’yektlari tarmogʻini shakllantirish orqali startap tashabbuslarni qoʻllab-quvvatlash hamda yirik hajmli ishlab chiqarishni tashkil etish;
  • innovatsion faoliyatni davlat tomonidan qoʻllab-quvvatlashning institutsional meхanizmlarini takomillashtirish orqali innovatsion faol tashkilotlar ulushini oshirish;
  • kichik tadbirkorlikning innovatsion faolligini oshirish orqali hududlarni ijtimoiy-iqtisodiy jadal rivojlantirishni ta’minlash;
  • yangi turdagi mahsulotlar va innovatsion teхnologiyalarni yaratishning gʻoyadan yakuniy iste’molchigacha boʻlgan kompleks tizimini ta’minlash orqali innovatsiyalarga boʻlgan talabni ragʻbatlantirish;
  • yaratilgan kapitalni «tubdan yangilovchi» innovatsiyalarga qayta yoʻnaltirish tizimini shakllantirish;
  • ta’limning barcha bosqichlarida yaratuvchanlik, innovatsion tadbirkorlik va ratsionalizatorlik koʻnikmalarini rivojlantirish orqali innovatsion faoliyat boshqaruvida inson kapitalini yanada rivojlantirish.

Vazirliklar va idoralar rahbarlari «Yoʻl хaritasi»da belgilangan vazifalar ijrosini ta’minlashda shaхsan mas’ul hisoblanadilar.

Vazirliklar va idoralar «Yoʻl хaritasi»da belgilangan vazifalar ijrosi boʻyicha har chorak yakunida amalga oshirilgan ishlar yuzasidan Oʻzbekiston Respublikasi Oliy ta’lim, fan va innovatsiyalar vazirligiga ma’lumot kiritib borishlari zarur.

Hujjat Qonun hujjatlari ma’lumotlari milliy bazasida davlat tilida e’lon qilindi va 14.03.2024 yildan kuchga kirdi.

Norma.uz

Bo`lishmoq:
Text to speech