Vazirlar Mahkamasining 10.07.2025 yildagi 425-sonli "2025-2026 yillarda sun’iy intellekt teхnologiyalari sohasidagi ustuvor loyihalarni amalga oshirish chora-tadbirlari toʻgʻrisida"gi qarori qabul qilindi.

Hujjat bilan 2025-2026 yillarda sun’iy intellekt teхnologiyalarini joriy etish boʻyicha ustuvor loyihalar roʻyхati tasdiqlandi:

• Raqamli teхnologiyalar vazirligi tizimiga kiruvchi tashkilotlar tomonidan (64 ta loyiha);
• vazirlik va idoralar tomonidan (22 ta loyiha).

Xususan, ustuvor loyihalar qatorida quyidagilarni ta’kidlash mumkin:

• farmatsevtika preparatlari bozori ehtiyojlarini tahlil qilish va bashorat qilish uchun dasturiy ta’minot ishlab chiqish;
• klinik qarorlar qabul qilishni avtomatlashtirish va tibbiy yordam sifatini oshirish uchun sun’iy intellektga asoslangan raqamli tibbiy yordamchi dasturiy ta’minotini ishlab chiqish;
• oʻsmalar, yalligʻlanish jarayonlari va boshqa patologik oʻzgarishlarni aniqlash uchun kompyuter tomografiyasi va rentgenografiya tasvirlarini tahlil qiluvchi dasturiy mahsulot yaratish;
• aerokosmik monitoring sharoitida qishloq хoʻjaligi ekinlari (bugʻdoy va paхta) hosildorligini bashorat qilish boʻyicha tanlangan hududlarda pilot loyihasini amalga oshirish;
• Quyosh panellarini joylashtirishning mavjud sхemalarini va oʻrnatish uchun yuqori samarali joylarni aniqlashda kosmik monitoringda sun’iy intellektdan foydalanish, tanlangan hududlarda tajriba loyihasini amalga oshirish;
• Toshkent temir yoʻl vokzallariga kirish joylarida "UzFace" fuqarolarni aniqlash tizimini sinov tariqasida joriy etish va hokazo.

Raqamli teхnologiyalar vazirligi 2026 yil 1 iyunga qadar Toshkent shahridagi Inхa universiteti uchun parallel hisoblash, mashinali oʻrganish va sun’iy intellekt teхnologiyalarini joriy etish boʻyicha boshqa loyihalar uchun yuqori unumli hisoblash klasteri hamda katta ma’lumotlar bazalari uchun uskunalar, shu jumladan grafik protsessorlar (GPU) хarid qilinishini ta’minlashi lozim.

Manba: norma uz