• Ishonch telefoni

    (+998 70) 619-23-33
Рус O'z En
Ishonch telefoni
Qayta bog'lanish

Yana 31 turdagi xizmat davlat xizmatlari markazi orqali amalga oshiriladi

02 Avgust 2021, 14:25 771

Malaka toifasi, attestatsiya, sertifikat, OTMdan OTMga oʻqishni koʻchirish, oʻqishni qayta tiklash… 31 turdagi xizmat davlat xizmatlari markazi orqali amalga oshiriladi.

2021-yil 24-iyulda “Davlat xizmatlarini koʻrsatish infratuzilmasini takomillashtirish va aholining davlat xizmatlaridan foydalanish imkoniyatlarini kengaytirish chora-tadbirlari toʻgʻrisida”gi Prezident farmoni eʼlon qilingan edi.

Farmonda bosqichma-bosqich davlat xizmatlari markazi va YAIDXP orqali joriy etiladigan davlat xizmatlari roʻyxati koʻrsatilgan.

Ana shu xizmatlardan 31 tasi yuqoridagi tartibda amalga oshirilishi 1-yanvardan eʼtiboran yoʻlga qoʻyilishi koʻzda tutilgan edi.

Xizmatlar qoʻyidagilar:

1. Oʻzbekiston Respublikasi fuqarolariga, respublikada doimiy yashovchi fuqaroligi boʻlmagan shaxslar va chet et fuqarolariga ID-karta hamda Oʻzbekiston Respublikasi fuqarolariga xorijga chiqish biometrik pasportini rasmiylashtirish va berish;

2. Gid (gid-tarjimon), ekskursiya yetakchisi va yoʻriqchi-yoʻl boshlovchilarga malaka sertifikatini berish;

3. Trenerlarni attestatsiyadan oʻtkazish;

4. Sport hakamlariga malaka toifasini berish;

5. Sud boshqaruvchilarini attestatsiyadan (qayta attestatsiyadan) oʻtkazish va malaka attestatini berish;

6. Baholovchilarga toifalar berish;

7. Sud boshqaruvchisi attestatini olish uchun talabgorlarni oʻqitish va sud boshqaruvchilari malakasini oshirish;

8. Koʻchmas mulk boʻyicha kadastr muhandisining malaka shahodatnomasini berish;

9. Davlat organlari va tashkilotlari axborot xizmati rahbarini attestatsiyadan oʻtkazish;

10. Bolalarni ularning sogʻligʻiga zarar yetkazuvchi axborotdan himoya qilish sohasida maxsus vakolatli davlat organi tomonidan ekspertlarni akkreditatsiya qilish;

11. Veterinariya xizmati mutaxassislarining malakasini oshirish, ularni qayta tayyorlash va ularga malaka toifalari berish;

12. Oʻzbekiston Respublikasi byudjet tashkilotlari, davlat maqsadli jamgʻarmalari hamda boshqa byudjetdan tashqari jamgʻarmalarning buxgalteriya hisobi xodimlarining malaka imtihonini oʻtkazish va byudjet hisobi hisobchisi sertifikatini berish;

13. Auditor malaka sertifikatini berish;

14. Soliq maslahatchisi malaka sertifikatini berish;

15. Qimmatli qogʻozlar bilan operatsiyalarni amalga oshirish huquqini olish uchun jismoniy shaxslarni attestatsiya (qayta attestatsiya)dan oʻtkazish4

16. Ichki auditor sertifikatini berish;

17. Aktuariy malaka sertifikatini berish;

18. Sifat boʻyicha ekspert-auditorlarni attestatsiyadan oʻtkazish;

19. Muvofiqlikni baholash sohasida xodim sifatida ishtirok etishga talabgor boʻlgan mutaxassislarni sertifikatlashtirish;

20. Mehnatni muhofaza qilish sohasida malaka sertifikatini berish;

21. Korporativ boshqaruvchi malaka attestatini berish;

22. Tibbiyot va farmatsevtika xodimlarini attestatsiyadan oʻtkazish va ularga malaka toifalari berish;

23. Davlat sanitariya-epidemiologiya xizmati organlari tizimining rahbar kadrlarini attestatsiyadan oʻtkazish;

24. Davlat sud eksperti sifatida attestatsiyadan oʻtkazish;

25. Sanoat xavfsizligi sohasidagi ekspertlarni attestatsiyadan oʻtkazish;

26. Patent vakilligiga nomzodlarni attestatsiyadan va roʻyxatdan oʻtkazish hamda patent vakillarini attestatsiyadan oʻtkazish;

27. Maktabgacha, umumiy oʻrta va oʻrta maxsus, professional hamda maktabdan tashqari davlat taʼlim muassasalari pedagog kadrlarini attestatsiyadan oʻtkazish;

28. Davlat organlari va boshqa byudjet tashkilotlarining axborot texnologiyalari va kommunikatsiyalarini rivojlantirish uchun masʼul boʻlgan rahbarlari va boʻlinmalari xodimlarini attestatsiyadan oʻtkazish;

29. Moddiy madaniy merosning koʻchmas mulk obyektlari sohasida restavrator-ustalarga malaka sertifikatini berish;

30. Oliy taʼlim muassasalari talabalari oʻqishini koʻchirish, qayta tiklash;

31. Oliy taʼlim muassasalariga qabul qilish uchun hujjatlarni qabul qilish (magistratura), deb xabar beradi Davlat xizmati koʻrsatish agentligi Fargʻona viloyat boshqarmasi.

Bo`lishmoq:
Text to speech