Kuni kecha Avtomobil transporti boshqarmasiga qarashli 1-sonli avtokorxona va xo'jalik ta`mir ishlari uchastkasi ishchi-xodimlari uchun profilaktik tadbir tashkil etildi.

Tadbirda Avtomobil transporti boshqarmasi boshlig'ining Tovar moddiy boyliklari butligi bo'yicha o'rinbosari D.Xamzayev tomonidan boshqarmada 2024-yilda sodir etilgan huquqbuzarliklar va ularning sabablari, korrupsiyaga qarshi kurashish masalalari tahlil etildi.

Shuningdek, ATB boshlig'i A.Saidkadirov yuqorida keltirilgan holatlarning asl sabablari loqaydlik, ishga sovuqqonlik kabi omillarning ortidan ro'y berishini ta`kidladi. Ayniqsa, muhandis texnik xodimlar “Men tinch, o'g'irlik sodir etgan shaxslar o'z qilmishlari uchun o'zlari javob beradi” kabi so'zlar bilan o'zlarini ovutishi kerakmasligini bildirdi.

Joriy yilning 23-yanvar kuni Rux zavodida zavod tovar moddiy boyliklarni saqlash va fuqaro muhofazasi bo'yicha direktor o'rinbosari, Toshkent viloyati IIBB OKMKdagi IIB tezkor qidiruv bo‘limi xodimlari ishtirokida 2025-yil ish rejasiga asosan profilaktik tadbir tashkil etildi.

Tadbirda ichki mehnat tartib qoidalari, mayda tashmachilik, korrupsiyaga qarshi kurashish, yong'in xafvsizligi, onlayn qimor, qarz berish va olish odobi, yil boshidan beri sodir etilgan qonunbuzarliklar statistikasi kabi masalalar muhokama qilindi.

Tadbirda mas`ullar barcha ishchi-xodimlarga befarq bo'lmaslikni ta`kidlashdi. Yuzaga kelayotgan barcha noxush holatlar befarqlikning ortidan ekanligi aytib o‘tildi.

Axborot xizmati