Yoshu-kattaning sevimli bahslaridan biri bo’lgan Zakovat intellektual o`yini o`z atrofida ko’plab faollarni jamlagan. OKMK bo`linmalarida ham ayni yo`nalishda bir qator jamoalar Respublika bahslarida ilg`orlardan.

Har yili kombinat Yoshlar ittifoqi va Kasaba uyushmasi Kengashi tashabbusi bilan Zakovat liga o`yinlari o`tkaziladi. Saralash o`yinlari uchun har bir bo`linmadan munosiblarni aniqlash maqsadida esa boshqarma va zavodlarda “Bilimdonlar maydoni” intellektual bellashuvlari tashkil etilmoqda.     

Joriy yilning 17-fevral kuni Texnologik transport boshqarmasi "Kasaba uyushmasi qo'mitasi" hamda "Yoshlar ittifoqi" hamkorligida boshqarma ishchi-xodimlari o'rtasida "Bilimdonlar maydoni" intellektual o'yini o'tkazildi.

Bilimlar bellashuvida 4 ta transport sexlari, Kon ishlarini mexanizatsiyalash sexi, Texnologik transportlarni ta`mirlash sexi hamda Transport boshqarmasi sexlaridan 7 ta jamoa 2 turda bahs olib bordi.

Har bir turda 8 tadan berilgan mantiqiy savollarga jamoalar yozma javob berishdi.

O`yin natijalariga ko`ra,   Kon ishlarini mexanizatsiyalash sexi bilimdonlari qo`shimcha berilgan savollarga ham aniqlik bilan javob yo`llab, 3-o`rinni egallagan bo’lsa, Transport sexi bilimdonlari 2- vaTTBdan tashkil topgan jamoa Mutlaq g`oliblikni qo`lga kiritdi.

G`oliblarga kasaba uyushmasi tomonidan pul mukofotlari va maxsus diplomlar topshirildi.

Eslatib o`tamiz OKMK Zakovat Liga o`yinlarining saralash bahslari mart oyida start oladi. Har bir korxonadan saralangan ishtirokchilar jamoa bo`lib ishtirok etadi. 

Feruza Bazarova,

OKMK xodimlari Kasaba uyushmasi Kengashi raisining

Yoshlar masalalari bo`yicha maslahatchisi