OKMK O‘quv markazi hamda Geologiya fanlari universiteti hamkorligida mazkur oliygohning 1-bosqich talabalari uchun kombinatda tanishuv amaliyoti tashkil etildi.

Tanishuv amaliyoti davomida talabalar kombinat muzeyi bilan tanishishdi. Shuningdek, bo‘lajak geologlarga kombinat faoliyatiga oid videolavha namoyish etildi.

Kombinat texnologik ishlab chiqarish zanjirida boshlang‘icha nuqta bo‘lgan Qalmoqqir koni va undagi jarayon talabalarga katta taassurot qoldirdi.

Shu kuni bo‘lajak geologlar kombinat haqida boy tasavvurga ega bo‘ldi.

Baxtiyor Niyazmetov,

O‘quv markazi yetakchi mutaxassisi