Joriy yilning 25-mart kuni poytaxtimizdagi O‘zbekiston davlat konservatoriyasida “Iste'dodlar festivali” ko‘p janrli xalqaro tanlovi bo‘lib o‘tdi.

Ushbu tanlovda “Metallurg” MSning “Edelveys” xalq raqs ansambli ham ishtirok etib, salmoqli natijalarni qo‘lga kiritdi.

Baletmeyster xoreograf Yuliya Koldakova boshchiligidagi ijodiy jamoaning  kichik guruhi tanlovda “Yaylovda” nomli nemis raqsini ijro etib, gran-priga sazvor bo‘ldi.

Jamoaning katta guruhi esa “Sirtaki” deb nomlangan yunon raqsi bilan oltin gran-prini qo‘lga kiritdi.

Raqs jamoasining xalqaro tanlovdagi bu g‘alabalari bilan muborakbod etib qolamiz.

Axborot xizmati