Olmaliq kon-metallurgiya kombinati tarkibiy bo‘linmalarida 11-noyabr - O‘zbekiston Kasaba uyushmalari kuni keng nishonlanmoqda.

Bu yilgi tadbirlar "Inson qadri uchun, el-yurt baxti uchun" shiori ostida tashkil etilmoqda.

Jumladan, Ijtimoiy obyektlar boshqarmasi mehnat jamoasi mazkur bayramni “Bahor” mehmonxonasida nishonlashdi.

Tadbirda IOBda faoliyat yuritayotgan eng faol kasaba uyushmasi a'zolari, sexqo‘mlar ishtirok etishdi.

Sana munosabati bilan eng faollar OKMK xodimlari kasaba uyushmasi Kengashi tomonidan qimmatbaho sovg‘alar bilan taqdirlanishdi. Bizga bu haqida IOB kasaba uyushmasi qo‘mitasi raisi Farog‘at Matkarimova xabar qilmoqda.

Angren kon boshqarmasida esa davra suhbati o‘tkazildi. Unda kasaba uyushmalarining faoliyati, bugungi kunda jamiyatda tutgan o‘rni, mehnat qonunchiligi bo‘yicha ma'lumotlar berildi. Tadbirda faol ishtirok etgan kasaba uyushmasi a'zolariga “Vatan” jurnali va esdalik sovg‘alari taqdim etildi. Bu haqida korxona kasaba uyushmasi qo‘mitasi rais Sherzod G‘aniyev xabar bermoqda.

Mis eritish zavodi kasaba uyushmasi qo‘mitasi raisi Sherali Umaraliyevning ma'lum qilishicha, sana munosabati bilan zavod kasaba uyushmasi faollari o‘rtasida "Inson qadri uchun, el-yurt baxti uchun" shiori ostida bayram tadbiri o‘tkazilgan.

Tadbirda soha faoliyatiga oid sovrinli viktorina, videoroliklar tanlovi o‘tkazilgan. Videoroliklar tanlovida Metallurgiya, Sulfat kislotasi, Nazorat o‘lchov asboblari va avtomatika hamda Nodir metallar ishlab chiqarish sexlari komissiyalari faoliyati to‘liq yoritib berildi.

Metallurgiya sexi shixtalovchisi, havaskor ijodkor Feruza Abdusamatova hamda Mis elektrolizi sexi yuvinish xonasi ishchisi Karima Boymirzayevalar o‘z ijod namunalarini taqdim etishdi.

Tadbirning faol ishtirokchilariga esdalik sovg‘alari va “Vatan” jurnali topshirildi.

Issiqlik elektr markazi kasaba uyushmasi qo‘mitasi raisi Sarvar Kalamxodjayevning ma'lumotiga ko‘ra, korxonada sana munosabati bilan davra suhbati tashkil etilgan.

Unda kasaba uyushmalarining sanoat korxonalarida roli, jamoa shartnomasida belgilangan imtiyozlar, mehnat munosabatlari bo‘yicha ma'lumotlar berilgan.

Iste'mol mollari ishlab chiqarish boshqarmasi kasaba uyushmasi qo‘mitasi raisi Iqbol Yuldashxodjayevning ma'lumotiga ko‘ra, korxonada ishlab kelayotgan eng faol kasaba uyushmasi a'zolari, Kasanachilikni tashkil etish buyicha sex ishchi-xodimlari va sexkomlar uchun  bayram tadbiri o‘tkazilgan.

Unda sohadagi bir guruh faollar OKMK xodimlari kasaba uyushmasi Kengashi tomonidan qimmatbaho sovg‘alar bilan taqdirlanishdi.

Bu kabi tadbir Kovuldi koni kasaba uyushmasi faollari o‘rtasida ham davra suhbati tarzida tashkil etilib, faollarga “Vatan” jurnali taqdim etilgan. Bu haqida kon kasaba uyushmasi qo‘mitasi raisi Anorboy Yusupov xabar bermoqda.

Innovatsion texnologiyalarni ishlab chiqarish va joriy qilish texnologik markazida ham sana munosabati bilan davra suhbati o‘tkazilib, unda kasaba uyushmalari faoliyatiga oid ma'lumotlar berildi. Sohaning ilg‘orlari OKMK xodimlari kasaba uyushmasi Kengashi tomonidan qimmatbaho sovg‘alar bilan taqdirlanishdi. Bu haqda markaz kasaba uyushmasi qo‘mitasi raisi S.Ubaydullayeva xabar qilmoqda.

Rux zavodida o‘tkazilgan davra suhbatida OKMK xodimlari kasaba uyushmasi Kengashi huquqshunosi Mirshohid Mavlyanov mehnat qonunchiligi, jamoa shartnomasi bo‘yicha ishchi-xodimlarni qiziqtirgan savollarga batafsil javob berdi. Tadbirda yil davomida faol bo‘lgan komissiya a'zolariga OKMK xodimlari kasaba uyushmasi Kengashi tomonidan qimmatbaho sovg‘alar ulashildi. Bu haqida zavod kasaba uyushmasi qo‘mitasi raisi Sahobiddin Yunusov xabar qilmoqda.

Markaziy ta'mirlash mexanika zavodida ham sana munosabati bilan davra suhbati ko‘tarinki kayfiyatda o‘tkazilgan.

Davra suhbatida zavod rahbariyati nomidan direktor o‘rinbosari M.Mirzanov kasaba uyushmasi a'zolarini bayram bilan barchani samimiy tabrikladi.

Kasaba uyushmasi faollariga esa OKMK AJ xodimlari kasaba uyushmasi Kengashi tomonidan ajratilgan esdalik sovg‘alari hamda “Vatan” jurnallari taqdim etildi. Bu haqida zavod Bu haqida zavod kasaba uyushmasi qo‘mitasi raisi o‘rinbosari Nodira Ortiqova xabar qilmoqda.

Qalmoqqir kon boshqarmasi mehnat jamoasida ham soha faoliyatiga oid davra suhbati tashkil etilib, unda sohadagi yangiliklar bo‘yicha ma'lumotlar berildi.

Axborot xizmati