Orazin yopqach ko‘zumdin sochilur har lahza yosh,

O‘ylakim paydo bo‘lur yulduz, nihon bo‘lg‘ach quyosh.

G‘azal mulkining sultoni Mir Alisher Navoiyning ushbu misralar bilan boshlanuvchi g‘azaliga Mavlono Lutfiy turkiy va forsiyda bitgan o‘n ikki ming bayt she'rini almashtirmoqchi bo‘lganligini bilasizsizmi?

Darhaqiqat, buyuk bobomizning mahoratiga Lutfiy ham shu tariqa baho bergan.

Tarix zarvaraqlariga Boburiylar sulolasining asoschisi, shoh, shoir sifatida, davlat arbobi sifatida o‘z nomini yozdirib qo‘ygan Zahiriddin Muhammad Boburning boy ma'naviy merosi biz avlodlarga xazina desak mubolag‘a bo‘lmaydi.

Har ikki buyuk ajdodlarimizning tavallud ayyomi yurtimizda keng nishonlanmoqda.

Jumladan, bugun «Metallurg» MSda OKMK hamda Toshkent davlat texnika universiteti Olmaliq filiali bilan hamkorlikda har ikki buyuk bobolarimizning tug‘ilgan kuniga bag‘ishlangan ma'naviy-ma'rifi tadbir tashkil etildi.

Tadbirda oliygoh talabalari buyuk ajdodlarimizning hayoti va ijodiga bag‘ishlangan sahna ko‘rinishlari namoyon etildi. Ularning ruboiy va g‘azallari yod olindi.

«Metallurg» MS badiiy guruhlari tomonidan tayyorlangan konsert dasturi barchaga manzur bo‘ldi.

Shoirlarning g‘azallari asosida yaratilgan taronalar olqishlarga sazovor bo‘ldi.

 Axborot xizmati