Dron, ya’ni kvadrokopterlar – kichgina uchar apparatlar bugungi kunda butun dunyoni zabt etib bo’ldi va deyarli hamma tomonidan foydalanilishi mumkin. Qush parvozi balandligidan videosuratga olish uchun oddiy fuqarolar tomonidan ham, topshiriq bajarilishini osonlashtirish uchun maxsus xizmat xodimlari tomonidan ham dronlardan keng foydalanilmoqda.

OKMKda faoliyat yuritib kelayotgan marksheyderlarning faoliyati davomida geodezik vazifalarni tezkorlik bilan bajarish maqsadida ular uchuvchisiz uchish apparatlarini boshqarish boʻyicha oʻquv kursida oʻqitilmoqda.

Oʻquv kurslari joriy yining 29-iylida boshlangan boʻlib, 10-avgustga qadar davom etadi.

Pilot operatorlar tayyorlash qisqa muddatli kurslarida 9 nafar marksheyder va geodezist ishtirok etishmoqda.

Maʻlumort uchun: Marksheyder - kon muhandisi, yer osti va uning yuzasining tegishli uchastkalarida fazoviy va geometrik oʻlchovlarni oʻtkazish boʻyicha mutaxassis, togʻ-kon va geologik qidiruv ishlarida oʻlchov natijalarini rejalar, xaritalar va uchastkalarda aks ettiruvchi mutaxassis sanaladi.

Marksheyderlik xizmatining konchilik yoʻnalishidagi asosiy vazifalari kon ishlarining ishchi loyihaga asosan xavfsiz borishini, foydali qazilmalar konlaridan oqilona foydalanish, foydali qazilma shakli, oʻlchamlari, fazoviy joylashuvini o‘rganadi. Ishlar aniq yo‘riqnomalar asosida geodezik oʻlchash vositalari yordamida dala ishlari va kameral ishlarga boʻlinadi. Murakkab hisob-kitoblardan soʻng natijalar olinadi.

Bugungi kunda “Olmaliq KMK” AJda Ijro apparati marksheyderlik xizmati korxonada marksheyderlik ishlarini muvofiqlashtiradi. Hozirda kombinat Marksheyderlik xizmatida 75 nafarga yaqin muhandis-marksheyderlar faoliyat yuritadi.

Kelgusida yana yangi yosh mutaxassislarni o‘qitish rejalashtirilgan.

Axborot xizmati