Olmaliq kon-metallurgiya kombinati tashkil topganligining 75 yilligi tantanalari kombinat tarkibiy bo‘linmalarida keng nishonlanmoqda.

Jumladan, kuni kecha Mis boyitish fabrikasi mehnat jamoasi ham 75 yillik yubiley ayyomini yuqori kayfiyatda kutib olishdi.

Tadbirda so‘z olgan OKMK bosh muhandisi Sergey Larionov mis boyituvchilar jamoasini qutlug‘ sana bilan muborakbod etib, o‘zining samimiy tilaklarini bildirdi.

Fabrika ishchi-xodimlari o‘rtasida o‘tkazilgan sport musobaqalari va kasb mahorati tanlovlarining g‘oliblari tadbirda esdalik sovg‘alari bilan rag‘batlantirildi.

Bayram tadbirida Mudofaa vazirligining Toifalangan obyektlarni qo‘riqlash qo‘shinlari qo‘mondonligi harbiy qismining harbiy orkestri ham bayram tadbirida ishtirok etib, boyituvchilar uchun ajoyib konsert dasturini namoyish etdi.

Shuningdek, bugun 3-mis boyitish fabrikasi mehnat jamoasi ham OKMKning 75 yilligini katta tantanalar bilan nishonlashdi.

“Tojmahal” tantanalar majmuasida tashkil etilgan bayram tadbirida OKMK boshqaruv raisi Abdulla Xursanov ishtirok etib, mehnat jamoasini ayyom bilan samimiy muborakbod etdi.

Tadbirda bir guruh faol ishchi-xodimlar esdalik sovg‘alari bilan rag‘batlantirildi.

“Metallurg” MS badiiy jamoalari tomonidan tayyorlangan konsert dasturi barchaga manzur bo‘ldi.

Bugun Sanoat temir yo‘l boshqarmasi mehnat jamoasi ham OKMKning 75 yilligi ayyomini ko‘tarinki kayfiyatda nishonlashdi.

Bayram tadbirida ishtirok etgan OKMK boshqaruvi raisi Abdulla Xursanov to‘kin dasturxon atrofida jam bo‘lgan temir yo‘lchilarni ayyom bilan qutladi.

Tadbir davomida bir guruh ilg‘or ishchi-xodimlar esdalik sovg‘alari bilan taqdirlandi.

Kuy-qo‘shiqlarga ulangan bayram tadbiri barchaga xushkayfiyat ulashdi.

Bugun shuningdek, OKMKning 75 yilligi munosabati bilan Markaziy ta’mirlash mexanika  zavodida ham bayram tadbiri ko`tarinki ruhda nishonlandi.

Bayram munosabati bilan toʻkin dasturxon yozilib, osh damlandi.

Tadbirda ishlab chiqarishdagi ilgʻor ishchi-xodimlar esdalik sovgʻalar bilan taqdirlanishdi.

Axborot xizmati