Kuni kecha Texnologik transport boshqarmasi Transport sexlarida mehnat qilayotgan muhandis-texnik xodimlar va ishchilari o‘rtasida navbatdagi profilaktik tadbir o‘tkazildi.

Unda Jinoyat ishlari bo‘yicha Olmaliq shahar sudining sudyasi M.Kayumov, Toshkent viloyati IIBB OKMKdagi IIB vakillari-katta tergovchi mayor A.Rasuliy va katta tezkor vakil, mayor M.Xusanov hamda TTB boshlig‘ining tovar moddiy boyliklari butligi bo‘yicha o‘rinbosari O.Maxmadiyarovlar ishtirok etishdi.

Tadbirda korrupsiyaga qarshi kurashish, plastik kartani xavfsizligiga qaratilgan qoidalariga rioya qilish, qimor o‘yinlarning inson ruhiyatiga ta'siri va yanvar-fevral oylari mobaynida sodir etilgan qonun buzilish holatlari kabi masalalar muhokama etildi.

Tadbir davomida so‘zga chiqqan Muhammad Kayumov jinoyat ishlari bo‘yicha Olmaliq shahar sudi binosida o‘tkazilgan ochiq sud majlisida TTBning 8 nafar ishchilari sodir etgan jinoyat bo‘yicha ma'lumot berdi. Ishchi-xodimlar jinoyat ishi bilan to‘liq tanishtirilib, muhokama qilindi. Ushbu huquqbuzarliklarning sodir etilishi sabablarini va ularga imkon berayotgan shart-sharoitlarni aniqlash, bartaraf etish va tahlil qilish maqsadida ishchilar bilan suhbat o‘tkazib, o‘zining tavsiyalarini berib, barcha ishchilar tomondan berilgan savollarga javob berib, aniqlangan kamchiliklarni tashkiliy va boshqa chora-tadbirlar orqali tizimli tarzda bartaraf etish yo‘llari bo‘yicha o‘z takliflarini berdi.

Huquqiy savodxonlikni oshirish maqsadida O‘zbekiston Respublikasi kodekslarining ayrim moddalari bilan tanishtirib o‘tdi.

Shuningdek, mas'ullar Yanvar-fevral oyilarida OKMK obyektlarida sodir etilgan noqonuniy holatlar bo‘yicha ma'lum berib, bu kabi qonun buzarliklarga yo‘l qo‘ymaslik kerakligini ta'kidlashib, barcha yana bir bor ogohlikka chorlandi.

Bundan tashqari, mas'ullar Vazirlar Mahkamasining “Korrupsiyaga oid huquqbuzarlik haqida xabar bergan yoki korrupsiyaga qarshi kurashishga boshqa tarzda ko‘maklashgan shaxslarni rag‘batlantirish tartibi to‘g‘risidagi nizomni tasdiqlash haqida” va boshqa buyruqlar bilan tanishtirib o‘tdi. Hozirgi kunda eng dolzarb bo‘lgan muammolardan biri azart o‘yinlarning ham ayanchli oqibatlari haqida so‘z bordi.

Shu bilan birga plastik kartani xavfsizligiga qaratilgan qoidalariga rioya qilish, o‘z mol-mulkiga ish joyida etiborli bo‘lish kerakligini va mehnat intizomiga rioya qilish kerakligini aytib o‘tishdi.

Axborot xizmati