Ma'lumki, avgustning ikkinchi yakshanbasi O‘zbekiston Respublikasi Qurilish sohasi xodimlari kuni sifatida keng nishonlanib kelinadi.

Sana munosabati bilan joriy yilning 9-avgust kuni OKMK bunyodkorlari uchun bayram tadbiri tashkil etildi.

To‘kin dasturxon atrofiga jam bo‘lgan quruvchilarga OKMK boshqaruvi raisining xodimlar va ijtimoiy masalalar bo‘yicha o‘rinbosari Sa'di Shermatov o‘z samimiy tilaklarini bildirdi.

Sana munosabati bilan OKMK boshqaruvi raisi Abdulla Xursanovning buyrug‘iga ko‘ra, 5 nafar xodim III darajali “Konchilik shuhrati” ko‘krak nishoni bilan rag‘batlantirildi.

Shuningdek, 17 nafar qurilish sohasi vakillariga Faxriy Yorliqlar, 30 nafariga esa qimmatbaho sovg‘alar hamda tashakkurnomalar taqdim etildi.

“Metallurg” madaniyat saroyi badiiy jamoalari tomonidan taqdim etilgan konsert dasturi barchaga xushkayfiyat ulashdi.

Ma'lumot uchun: Bugun kunda kombinat tarkibida Loyiha ishlari boshqarmasi, Kapital qurilish boshqarmasi, “Olmaliqmetallurgqurilish” tresti, Ixtisoslashtirilgan ta'mirlash ishlari boshqarmasi kabi qurilish sohasi bilan bog‘liq korxonalar faoliyat yuritib kelmoqda. Mazkur tarkibiy bo‘linmalar tomonidan nafaqat korxonalardagi obyektlarni qurish va ta'mirlash ishlari bajarilmoqda balki bir qator yirik sanoat va ijtimoiy ob'ektlar, investitsiya loyihalari asosida infratuzilmalar ham barpo etilmoqda.

Axborot xizmati