Ma'lumki, dekabr oyining ikkinchi yakshanbasi O‘zbekiston Respublikasi qishloq xo‘jaligi xodimlari kuni sifatida keng nishonlanib kelinadi.

Ushbu sana hamda yaqinlashib kelayotgan Yangi yil bayrami munosabati bilan joriy yilning 18-dekabr kuni shahrimizdagi “Marhamat” tantanalar majmuida bayram tadbiri tashkil etildi.

To‘kin dasturxon atrofida jam bo‘lgan Iste'mol mollari ishlab chiqarish boshqarmasi mirishkorlarini kasb bayramlari bilan OKMK boshqaruvi raisining xodimlar va ijtimoiy masalalar bo‘yicha o‘rinbosari Sa'di Shermatov samimiy muborakbod etdi.

Sana munosabati bilan 27 nafar soha vakillari qimmatbaho sovg‘alar bilan taqdirlandi.

“Metallurg” madaniyat saroyining ijodiy guruhlari tomonidan tayyorlangan konsert dasturi barchaga bayramona kayfiyat ulashdi.

Ma'lumot uchun: bugungi kunda Iste'mol mollari ishlab chiqarish boshqarmasi tarkibida qishloq xo‘jaligi mahsulotlari yetishtirish va yem-hashak tayyorlash bo‘yicha uchastkasi, sut-tovar fermasi hamda mashina traktor parki faoliyat yuritib keladi.

Axborot xizmati