Olmaliq kon-metallurgiya kombinatining 75 yilligi munosabati bilan kombinat tarkibiy bo‘linmalarida bayram tadbirlari davom etmoqda.

Texnologik transport boshqarmasi

Texnologik transport boshqarmasida ham bayram dasturxoni yozildi.

Tadbirda bir guruh faol ishchi-xodimlari esdalik sovg‘alari bilan rag‘batlantirildi.

Ishchi-xodimlar o‘rtasida o‘tkazilgan sovrinli o‘yinlar, tosh ko‘tarish bo‘yicha musobaqa, paxlavonlar estafetasi, shaxmat bo‘yicha turnir bayram tadbirini yanada qiziqarli o‘tishini ta'minladi. Bizga bu haqda TTB yoshlar ittifoqi raisi Bahriddin Usvaliyev xabar bermoqda.

Qalmoqqir kon boshqarmasi

Kombinat texnologik ishlab chiqarish zanjirining boshlang‘ich nuqtasi bo‘lgan Qalmoqqir kon boshqarmasi mehnat jamoasi ham o‘zlariga yuklatilgan vazifalarni yorug‘ yuz bilan bajarib, OKMK 75 yilligini munosib kutib olishdi. Bu haqda kon boshqarmasi boshlig‘ining yoshlar masalalari bo‘yicha yordamchisi Xurshid Abdullayev xabar qilmoqda.

To‘kin dasturxon atrofida jam bo‘lgan mehnat faxriylari va konchilarni kombinat mas'ullari samimiy muborakbod etishdi.

Shuningdek nuroniylar va yoshlar o‘rtasida o‘tkazilgan uch avlod uchrashuvida mehnat faxriylari hayotiy tajribalarini shogirdlariga so‘zlab berishdi.

22 nafar mehnat faxriysi va faol ishchi-xodimlarga esdalik sovg‘alari ulashildi.

Kondagi qizg‘in mehnat jarayonini aks ettiruvchi ko‘rgazmali maketlar namoyishi ham ko‘pchilikda qiziqish uyg‘otdi.

“Metallurg” MS badiiy jamoalarining konsert dasturi konchilarga bayramona kayfiyat ulashdi.

2-Mis boyitish fabrikasi

2-Mis boyitish fabrikasida ham OKMKning 75 yilligi munosib nishonlandi.

Korxona yoshlar ittifoqi raisi O‘ktam Begmatovning ma'lumotiga ko‘ra, korxonada bayram dasturxoni yozilib, fabrika direktori Hasan Miraxmedov barchani ayyom bilan samimiy qutladi. Sana munosabati bilan bir guruh ilg‘or ishchi-xodimlar, mehnat faxriylari esdalik sovg‘alari bilan taqdirlanishdi.

Kuy-qo‘shiqlarga ulangan bayram tadbiri barchaga manzur bo‘ldi.

Axborot xizmati