Bugun “Metallurg” madaniyat saroyida “OKMK e'tirofi 2024” “Olmaliq KMK” AJ ishchi-xodimlarini taqdirlash marosimi va “Yangi yil” bayrami konsert dasturi bo‘lib o‘tdi.

Tadbir avvalida 2024-yil mobaynida kombinat tomonidan ijtimoiy sohada amalga oshirilgan ishlarni hikoya qiluvchi videolavha namoyish etildi.

Tadbirda so‘z olgan O‘zbekiston Respublikasi Oliy Majlisi Senati a'zosi, “Olmaliq KMK” AJ boshqaruv raisi Abdulla Xursanov o‘tib borayotgan 2024-yilda kombinat tomonidan bajarilgan ishlar haqida to‘xtaldi. Kombinatda amalga oshirilayotgan investitsiyaviy loyihalarning davlatimiz taraqqiyotida muhim ahamiyat kasb etishini ta'kidlab, 2025-yilda ham bu ishlar davom ettirilishini ma'lum qildi va barchani bayram bilan samimiy muborakbod etdi.

Bayram tadbirida bir qator yo‘nalishlar bo‘yicha yuqori mehnat marralarini zabt etgan bir guruh ishchi-xodimlar “OKMK e'tirofi 2024” statuetkalari bilan taqdirlandi.

Jumladan, “Yoshlar ittifoqi faoliyatini qo‘llab-quvvatlashda eng faol bo‘lgan korxona rahbari”, “Ma'naviy-ma'rifiy ishlar samaradorligi bo‘yicha eng faol korxona rahbari”, “Eng faol yoshlar yetakchisi”, “Yilning eng yaxshi konchisi”, “Yilning eng yaxshi boyituvchisi”, “Yilning eng yaxshi metallurgi”, “Yilning eng yaxshi mexanigi”, “Yilning eng yaxshi energetigi”, “Yilning eng yaxshi BelAZ haydovchisi”, “Yilning eng yaxshi elektrovoz mashinisti”, “Yilning eng yaxshi hisobchisi”, “Yilning eng yaxshi iqtisodchisi”, “Yilning eng yaxshi raqamlashtiruvchisi”, “Yilning eng yaxshi quruvchisi”, “Yilning eng yaxshi MM va XT xodimi”, “Yilning eng yaxshi portlatuvchisi”, “Yilning eng yaxshi maydalovchisi”, “Yilning eng yaxshi ekskovatorchisi”, “Yilning eng yaxshi haydovchisi”, “Yilning eng yaxshi tarbiyachisi”, “Eng faol Yashil makon loyihasi ijrochisi”, “Yilning eng yaxshi ishlab chiqarish sexi” ”Matonatli ayol”, “Mening bog‘im loyihasi g‘olibi” “Energiya samaradorligi bo‘yicha eng yaxshi taklif”, “Yilning eng yaxshi sport yo‘riqchisi” kabi nominatsiyalar bo‘yicha “OKMK e'tirofi 2024”  g‘oliblari taqdirlandi.          

Shuningdek, “Energiya samaradorligini oshirish, ishlab chiqarish tannarxini pasaytirish va xarajatlarni kamaytirish bo‘yicha eng yaxshi ratsionalizatorlik takliflari” tanlovi g‘oliblari va “Yoshlar olimpiadasi-2024” sport musobaqasi sovrindorlari ham qimmatbaho sovg‘alar bilan taqdirlandi.

“Metallurg” MS ijodiy guruhlari tomonidan tayyorlangan ajoyib konsert dasturi barchaga bayramona kayfiyat ulashdi.

Axborot xizmati