Joriy yilning 2-oktyabr kuni Rux zavodi sexlaridagi apparatchilarning malaka va bilimlarini sinovdan o'tkazish, kasbiga bo'lgan qiziqishlarini yanada oshirish maqsadida, 2025-yil ish rejasiga asosan kasaba uyushmasi qo'mitasi hamda Yoshlar ittifoqi tomonidan "O'z kasbining mohir ustasi" nomli kasb-mahorat tanlovi o'tkazildi.

Ushbu tanlov 2 bosqichda ya'ni amaliy va nazariy (savollarga yozma javob yozish va og'zaki tushuntirib berish) bosqichlarida olib borildi.

Tanlov natijalariga ko'ra, 1-o'rinni Tanlab eritish sexi apparatchisi Abdulqosim Ikromov egallab, "O'z kasbining mohir ustasi", deya eʻtirof etildi.

2-o'rin Kadmiy sexi apparatchisi Aziza Usanovaga nasib etdi.

3-o'rinni Tanlab eritish sexi apparatchisi Sadriddin Musurmonov qo'lga kiritdi.

Tanlov g'oliblari OKMK xodimlari kasaba uyushmasi Kengashi tomonidan ajratilgan esdalik sovg'alari bilan rag'batlantirildi.

Aznaur Abdurashidov,

Rux zavodi yoshlar ittifoqi raisi