11-noyabr – "O‘zbekiston kasaba uyushmalari kuni" munosabati bilan "Inson qadri uchun - El yurt baxti uchun" shiori ostida Olmaliqmetallurgqurilish trestida bayram tadbiri o‘tkazildi.

Bayram dasturi davomida trest Kasaba uyushmasi tomonidan kasaba uyushma a'zolari o‘rtasida o‘tkazilgan "Kasaba uyushmasi mening hayotimda" videoroliklar tanlovi g‘oliblari taqdirlandi.

Xususan tanlov yakunlariga ko‘ra, g‘oliblikni 1-umumqurilish ishlari uchastkasi mehnat jamoasi qo‘lga kiritdi.

2-o‘rin 11-muhandislik kommunikatsiyalarga xizmat ko‘rsatish va ta'mirlash uchastkasi mehnat jamoasiga nasib etdi.

3-o‘rinni  8-qurilish montaj ishlari uchastkasi mehnat jamoasi egalladi.

Shuningdek, trest Kasaba uyushmasi tomonidan kasaba uyushma a'zolari, o‘rtasida "Kasaba uyushmasi bilimdoni" tanlovi g‘oliblari ham taqdirlanishdi.

Tanlovda Shoxida Usmanova, Shoxista Maqsudova, Shaxnoza Maxsimovalar sovrindor bo‘lishdi.

Tanlovlarning g‘oliblari qimmatbaho sovg‘alar bilan taqdirlanishdi.

Bayram tadbirida “Metallurg” MS ijodiy guruhlari tomonidan tayyorlangan konsert dasturi barchaga manzur bo‘ldi.

Bundan tashqari, sana munosabati bilan trestda faoliyat olib borayotgan yubiley yoshidagi ishchi-xodimlar ham taqdirlandi.

Nafaqada bo‘lgan 4 nafar ishchi-xodimlar holidan xabar olinib, ularga OKMK kasaba uyushmasi tomonidan ajratilgan oziq-ovqat mahsulotlari berildi. E'tibordan mamnun bo‘lgan otaxonu onaxonlar bayram bilan barchani tabriklab, o‘z minnatdorchiliklarini bildirdi.

Obid Sarkayev,

Trest kasaba uyushmasi qo‘mitasi raisi