Joriy yilning 25-dekabr kuni  “Metallurg” MSda “Olmaliq KMK” AJ xodimlari kasaba uyushmasi Kengashining gender tenglikni ta'minlash va psixologik muhitni sog‘lomlashtirish masalalari bo‘yicha komissiyasi tomonidan “Yil ayoli-2024” ko‘rik tanlovi o‘tkazildi.

Tanlovda Mis eritish zavodi shixtalovchisi Feruza Abdusamatova, Mis boyitish fabrikasi mashinisti Shahnoza Qahhorova, Kovuldi koni chiroqchisi Zulayho Eshmetova, Markaziy analitik laboratoriyasi 1-toifadagi muhandisi Izzatoy Alimova, Ijtimoiy obyektlar boshqarmasiga qarashli 39-son maktabgacha taьlim tashkiloti tarbiyachisi Gulbahor Shermatova hamda Olmaliq kasb-hunar maktabi o‘zbek tili o‘qituvchisi Nargizaxon Abdullaevalar ishtirok etishdi.

Tanlovda ishtirokchilar, tanishtiruv, dolzarb mavzu, erkin mavzu kabi shartlar bo‘yicha bellashdilar.

Barcha shartlarni a'lo darajada bajargan Izzatoy Alimova “Yil ayoli” deya, e'tirof etildi.

Tanlov g‘olibi va ishtirokchilarga qimmatbaho sovg‘alar taqdim etildi.

Viloyat Davletova,

“Olmaliq KMK” AJ xodimlari kasaba uyushmasi Kengashi apparatining mehnat

muhofazasi bo‘yicha bosh mutaxassis, komissiya raisi, psixolog