Olmaliq kon-metallurgiya kombinati AJning barcha oddiy aksiyalari egasi, O‘zbekiston Respublikasi Davlat aktivlarini boshqarish agentligining qaroriga muvofiq 2018, 2019 va 2020-yillar yakunlari bo‘yicha olingan sof foydani kapitallashtirilishini amalga oshirib, shu bilan birga aksiyadorlarning aksiyalari sonini 4 barobarga oshirdi.

Davlat aktivlarini boshqarish agentligi va “Olmaliq KMK” AJ tomonidan 2022-yilning 19-noyabridagi №144/10-2-qr imtiyozli aksiyalar bo‘yicha 2021-yil yakunlariga ko‘ra nominal qiymatining 25 foizi miqdorida dividendlar to‘lash to‘g‘risida qaror qabul qilindi.

Shuningdek, shuni ma'lum qilamizki, “Aksiyadorlik jamiyatlari va aksiyadorlarning huquqlarini himoya qilish to‘g‘risida”gi qonunning 51-moddasi" Dividendlarni to‘lash tartibi" ga binoan, dividendlarni to‘lash muddati bunday qaror qabul qilingan kundan boshlab oltmish kundan kechiktirilishi mumkin emas.

OKMK korporativ munosabatlar xizmati