2025-yilning 12-noyabrdan 21-noyabrga qadar, “Olmaliq KMK” AJ O'quv markazi Muhandislik maktabiga rezyumelar qabul qilinadi:

• Oylik ish haqi “Olmaliq KMK” AJ Muhandislik ta’lim muassasasi shtat jadvaliga muvofiq
• Rahbarlik lavozimida ish tajribasi kamida 3 yil (oliy va o‘rta ta’lim muassasalarida ishlash ustuvorligi).

Vazifalari:

• Muhandislik maktabi ish rejasini tuzish va uning bajarilishini ta’minlash;
• Maktabning o‘quv-metodik faoliyatini muvofiqlashtirish;
• O‘zbekiston Respublikasining ta’lim sohasidagi qonunlari, Prezident farmonlari, buyruqlar, qarorlar, Vazirlar Mahkamasi qarorlari, Oliy ta’lim, fan va innovatsiyalar vazirligi buyrug‘i, shuningdek, Muhandislik maktabi direktori buyrug‘ini amalga oshirishni ta’minlash;
• O‘qituvchilar va talabalar orasida Prezident va Hukumat tomonidan qabul qilingan farmonlar va qarorlar mazmunini yetkazishda ishtirok etish;
• Tarbiyaviy ish bo‘yicha yordamchilar va mas’ullar faoliyatini shakllantirish;
• O‘quv yili yakunlari bo‘yicha maktab hisobotlarini tahlil qilish va yillik umumiy hisobot tayyorlash;
• O‘quv yo‘nalishlari bo‘yicha “Ishchi o‘quv rejasi” va “O‘quv jadvali”ni tuzish;
• O‘quv yo‘nalishlari bo‘yicha yillik dars jadvali (“Lesson Table”)ni shakllantirish va tashkil etish;
• Professor-o‘qituvchilar tomonidan yillik shaxsiy rejalarida belgilangan o‘quv-metodik ishlarni amalga oshirishni ta’minlash;
• Talabalarning o‘quv jarayoni holatini tahlil qilish va tegishli takliflar

Talablar:

• Ta’lim muassasalarida rahbar lavozimlarni egallash uchun zarur bo‘lgan kasbiy va tashkiliy ko‘nikmalar, rahbarlik tajribasi va ta’lim sohasida ish tajribasi, faoliyat sohasi va vakolat doirasidagi bilim va ko‘nikmalar;
• Shaxsiy namunali sifatlar: aql-idrok, odob, liderlik, ijodkorlik, tashkiliy qobiliyat, tashabbuskorlik, tadbirkorlik, mas’uliyat, mustaqil qaror qabul qilish va ish yuritish, strategik maqsadlarni amalga oshirishga qaratilgan qat’iyat;
• Magistr darajasi;
• Ta’lim sohasida kamida 3 yillik samarali ish

Ko‘nikmalar:

• Rahbarlik qarorlarini qabul qilish;
• Kadrlar tayyorlash bo‘yicha yo‘riqnomalar ishlab chiqish;
• Tashkiliy ishlarni amalga oshirish;
• Ma’lumotlarni tahlil qilish va muvofiqlashtirish;
• Ishda axborot-kommunikatsiya texnologiyalaridan (AKT) foydalanish;
• O‘zbekiston Respublikasining ta’lim sohasidagi qonunlari, Prezident farmonlari, buyruqlari, qarorlari, Vazirlar Mahkamasi qarorlari, Oliy ta’lim, fan va innovatsiyalar vazirligi buyruqlarini bilish.
• Muomila madaniyati, moslashuvchanlik, psixologik bosimga chidamlilik.

Qabul qilingan rezyumelarni koʻrib chiqishning xolisligini ta’minlash uchun, ularni koʻrib chiqish va malaka talablari/mezonlariga muvofiqligini baholash maqsadida quyidagi havolada keltitilgan forma https://ahds.agmk.uz:8443/ords/f?p=123 orqali yuboring.

Rezyumelarga biriktirish lozim:

• pasport;
• mehnat daftarchasi;
• diplom.

Diqqat! Yuqoridagi tanlov talab va mezonlariga javob bermaydigan, shuningdek, ataylab yolgʻon maʻlumotlarga ega, qayta yuborilgan, xatolar (tahrirlar) va tuzatishlar bilan toʻldirilgan nomzodlarning Rezyume/Maʻlumotnomalari chetlashtiriladi (diskvalifikatsiya qilinadi) va tushuntirishsiz koʻrib chiqilmaydi.

Tanlovlardan muvofaqiyatli oʻtib, kombinatda ish boshlagan fuqarolarga “Olmaliq KMK” AJ Jamoa shartnomasida koʻzda tutilgan barcha ijtimoiy imtiyozlar kafolatlanadi:

Izoh: Agar siz ishga qabul qilish jarayonida korrupsion xarakterdagi faktlarga duch kelsangiz, zudlik bilan kombinatning Komplayens-nazorat xizmatining stop.corruption@agmk.uz elektron pochta manziliga xabar yuboring (tasdiqlovchi hujjatlar va ilovasi bilan (audio/video yozuvlar va boshqalar).