Yoshlar o‘rtasida IT sohasini rivojlantirish va iste’dodlarni kashf qilish maqsadida joriy yilning 29-noyabr kuni  "Eng yaxshi yosh dasturchi - 2024" tanlovi tashkil etildi.

Ishtirokchilar tanlovning nazariy bosqichida o‘z bilimlarini sinovdan o‘tkazishdi.

Amaliy bosqichda esa dasturchilar o‘z mahoratlarini real vazifalarda namoyish etdilar.

Tanlovda 10 nafar iqtidorli dasturchi ishtirok etdi va ulardan 6 nafari ikkinchi bosqichga muvaffaqiyatli o‘tdi.

Tanlov yakunlariga koʻra, 3-oʻrin 3-Mis boyitish fabrikasi dasturchi muhandisi Sardor Xurramovga nasib etdi.

Ixtisoslashtirilgan ta’mirlash ishlari boshqarmasi ish taqsimlovchisi Mahliyo Erkinova 2-oʻrinni egalladi.

Mis boyitish fabrikasi dasturchi muhandisi Kamoliddin Umarov barcha shartlarni a’lo tarzda bajarib, "Eng yaxshi yosh dasturchi” deya etirof etildi.

G‘oliblar Yoshlar ittifoqi tomonidan pul mukofoti hamda diplomlar bilan taqdirlandi.

Tanlov yosh dasturchilarning o‘z imkoniyatlarini sinab ko‘rishi va IT sohasida o‘sishi uchun muhim qadam bo‘ldi. Ishtirokchilarning mehnati va ijodkorligi kelajakda yanada ulkan muvaffaqiyatlarga olib kelishiga ishonamiz.

Kelajak avlodlarni qo‘llab-quvvatlashda davom etamiz!

OKMK Yoshlar ittifoqi