O‘zbekiston Respublikasida o‘sib borayotgan avlodni sog‘lom va har tomonlama yetuk voyaga yetkazish, ta'lim-tarbiya jarayoniga samarali ta'lim va tarbiya shakllari hamda usullarini joriy etishga qaratilgan maktabgacha ta'limining samarali tizimini tashkil etish bo‘yicha keng ko‘lamli ishlar amalga oshirilib kelmoqda. Shunga monand ravishda “Olmaliq KMK” AJ tasarrufida Ijtimoiy obyektlar boshqarmasi ham o‘z o‘rniga egadir.

1974-yil 29-martda sog‘liqni saqlash sexi tashkil etildi va uy-joy kommunal xo‘jaligi idorasi tarkibiga kiruvchi alohida xizmatga ajratildi. O‘sha paytda sog‘liqni saqlash sexi tarkibiga 10 ta bolalar bog‘chasi, zavod ishchilarini sog‘lomlashtirish dispanseri, sport inshootlari, «Metallurg» madaniyat saroyi va «Tong» bolalar sog‘lomlashtirish oromgohi kirgan.

1975-yilda sog‘liqni saqlash sexi tarkibiga 320 o‘rinli «Moviy togʻlar» bolalar sog‘lomlashtirish oromgohi qo‘shildi;

1978-yilda «Gulzor» BSO qurildi;

1979-yilda sog‘liqni saqlash sexi nomi ijtimoiy-madaniy obyektlarga xizmat ko‘rsatish nomiga o‘zgartirildi;

1980-yilda «Metallurg» BSO qurildi;

1981-yilda 28-sonli bolalar bog‘chasi qurildi;

1982-yilda 31-sonli bolalar bog‘chasi qurildi;

1985-yilda 33-sonli bolalar bog‘chasi qurildi;

1986-yilda 35-sonli bolalar bog‘chasi qurildi;

1987-yilda 34-sonli bolalar bog‘chasi qurildi;

1990-yilda 39-sonli bolalar bog‘chasi qurildi;

1993-yilda 9-sonli bolalar bog‘chasi qurildi;

2003-yilda “Oltin olma” pansionati qurildi;

2011-yil 1-avgustdan esa ijtimoiy obyektlar boshqarmasiga nomiga o‘zgartirildi;

2013-yilda «Istiqlol» BSO qurildi;

2013-yilda «Delfin» akva bog‘i qurildi;

2014-yilda «OKMK» sport majmuasi qurildi;

2020-yilda 20-sonli bolalar bog‘chasi qurildi.

Hozirgi kunga kelib boshqarma tasarrufida  39 ta tarkibiy bo‘linma faoliyat olib bormoqda. 15 ta maktabgacha ta'lim muassasasida 3336 nafar tarbiyalanuvchi ta'lim olmoqda. Boshqarma tasarrufidagi “Bolajon” bog‘i, 4 ta bolalar sog‘lomlashtirish oromgohlari, “Delfin” akvaparki, “Metallurg” madaniyat saroyi, “OKMK” sport majmuasi, Idoraviy uy-joy kompleksi, 1-2-sonli yotoqxonalar, Sanatoriy – profilaktoriysi, “Moviy tog‘lar” dam olish maskani va “Oltin-Olma” pansionatlari kombinat ishchi-xodimlari hamda ularning farzandlari salomatligini tiklab madaniy hordiq chiqarishlari uchun xizmat qilib kelmoqda.

Ijtimoiy obyektlar boshqarmasi boshlig‘i: Tagirova Saviya Faxridinovna