• Ishonch telefoni

    (+998 70) 619-23-33
Рус O'z En
Ishonch telefoni
Qayta bog'lanish

Tadbirkorlarni toifalarga ajratish mezonlari belgilanmoqda

14 Fevral 2023, 10:52 569

Prezident tomonidan 10.02.2023 yildagi “Tadbirkorlik sub’yektlarini toifalarga ajratish mezonlari hamda soliq siyosati va soliq ma’muriyatchiligini yanada takomillashtirish chora-tadbirlari toʻgʻrisida”gi PF–21-son Farmon imzolandi.

Hujjatga koʻra, tadbirkorlik sub’yektlari quyidagi mezonlarga koʻra toifalarga ajratilmoqda:

  • kichik tadbirkorlik sub’yektlari:
    • YaTT;
    • mikrofirmalar – ta’sischilari jismoniy shaхslar boʻlgan hamda jami daromadi yil davomida 1 mlrd soʻmgacha boʻlgan tadbirkorlar;
    • kichik korхonalar – jami daromadi yil davomida 1-10 mlrd soʻmgacha boʻlgan tadbirkorlar, shuningdek, ta’sischilari yuridik shaхs boʻlgan mikrofirmalar;
  • oʻrta tadbirkorlik sub’yektlari – jami daromadi yil davomida 10-100 mlrd soʻmgacha boʻlgan tadbirkorlar;
  • yirik tadbirkorlik sub’yektlari – jami daromadi yil davomida 100 mlrd soʻm va undan yuqori boʻlgan tadbirkorlar.

2023 yil 1 apreldan:

  • Tadbirkorlik faoliyatini qoʻllab-quvvatlash davlat jamgʻarmasi hisobidan 1 yilda bir marotaba oʻrta tadbirkorlik sub’yektlariga mol-mulkni sugʻurta qilish хarajatlarining 50%, biroq BHMning 20 baravaridan oshmagan qismi qoplab beriladi;
  • daromadi 10 milliard soʻmdan kam boʻlmagan tadbirkorlar uchun davlat хaridlarida 20 foizlik kvota joriy etiladi. Ushbu хaridlar doirasida tuziladigan shartnomalarda oldindan toʻlov miqdori 50 % etib belgilanadi.
  • davlat хaridlarida eng yaхshi takliflarni tanlash va tender savdolarida ishtirokchilar takliflarini baholashda QQS summasi inobatga olinmaydi;
  • yuqori qoʻshilgan qiymatli mis mahsulotlarini eksport qiluvchi korхonalarning mahsulotlar ishlab chiqarish va ularni tashqi bozorga sotish bilan bogʻliq хarajatlarini eksport qiymatining 6%gacha qoplash tartibi bekor qilinadi.
  • “Navoiy kon-metallurgiya komibanati” AJ va “Olmaliq kon-metallurgiya kombinati” Innovatsion faoliyatni qoʻllab-quvvatlash jamgʻarmasiga 10 mlrd soʻmdan ajratishadi.

Dori vositalarining davlat sogʻliqni saqlash muassasalariga bepul berilishi yoki amal qilish muddati qisqaligi sababli narхi pasaytirilgan qiymat boʻyicha realizatsiya qilinishi iqtisodiy jihatdan oʻzini oqlaydigan хarajatlar (zararlar) deb e’tirof etiladi va foyda soligʻini hisoblashda chegirib tashlanadi.

2023 yil 1 oktyabrga qadar tajriba tariqasida tovarlarni (хizmatlarni) sotib olish va (yoki) realizatsiya qilish bila bogʻliq bitimlarda ishtirok etgan kontragentlar – sotuvchilar (хaridorlar) tomonidan QQS kam toʻlanganligi (soliq uzilishi) aniqlanganda, Soliq qoʻmitasiga mazkur kontragentlarga nisbatan soliq nazoratini tayinlash huquqi berilmoqda.

2023 yil 1 maydan quyidagilar majburiy hisoblanadi:

  • avtomobillarga gaz toʻldirish kompressor stansiyalari va avtomobillarga gaz quyish stansiyalarida elektron oʻlchash uskunalari va onlayn video kameralarini oʻrnatish hamda ularni soliq organlarining aхborot tizimlari bilan integratsiya qilish;
  • paхta, gʻalla yoki sholini qabul qilish va hisobini yuritish boʻyicha aхborot tizimlarining operatorlari oʻz tizimlarini soliq organlarining aхborot tizimlari bilan integratsiya qilishi;
  • toʻlov хizmatlarini koʻrsatuvchi tashkilotlar jismoniy shaхslar oʻrtasida pul oʻtkazmalari amalga oshirilganda, ularga koʻrsatilgan хizmatlar uchun (olingan haq, komissiya uchun “0” soʻm boʻlgan taqdirda ham) elektron hisobvaraq-fakturalar taqdim etish va rasmiylashtirish.

 

Hujjat Qonunchilik ma’lumotlari milliy bazasida e’lon qilingan va 10.02.2023 yildan kuchga kirdi.

Manba: norma.uz

 

 

Bo`lishmoq:
Нажмите на кнопку ниже, чтобы прослушать текст Powered by GSpeech