- 2024-yil yanvar oyida Xondiza kon boshqarmasida 200 o‘rinli yotoqxona foydalanishga topshirildi. Mazkur yotoqxona uzoq masofadan kelib konda ishlaydigan ishchi-xodimlar uchun mo‘ljallangan.

- Yangiyo‘l tumanidagi “O‘zbekiston ko‘zi ojizlar jamiyatiga 2 ta lift yangilab berildi hamda “O‘zbekiston ko‘zi ojizlar jamiyati yurak-asab kasalliklari sihatgohi” binosidagi mavjud 2 ta liftlari xayriya mablag‘lari hisobidan yangisiga almashtirildi.

- 2024-yil mart oyida Namangan viloyati Pop tumanida OKMK moliyaviy ko‘magida qurilgan yangi tikuvchilik fabrikasi ishga tushirilib, 520 nafar xotin-qizlar ish bilan ta'minlandi.

- 2024-yilning aprel oyida OKMKda Muhandislik maktabi o‘z faoliyatini boshladi.  Kombinat ehtiyojlari uchun professional muhandis-texnik xodimlarni qayta tayyorlash maqsadida Muhandislik maktabi barpo etildi. Maktabni loyihalash Germaniyaning “Aurubis” kompaniyasining o‘quv markazi namunasida amalga oshirildi. Maktabda Germaniya tajribasi asosida yiliga 480 nafar muhandis tayyorlanadi hamda 1000 nafar xodimning malakasi oshiriladi. Dars jarayonlari yo‘nalish va mavzulardan kelib chiqib, xorijlik professor-o‘qituvchilar ishtirokida olib boriladi.

- 2024-yilning may oyida OKMK futbol jamoasining akademiyasi tarbiyalanuvchilari uchun qurilgan futbol maydonlari foydalanishga topshirildi.  Ushbu sun'iy maydon o‘lchamlari 52x32 metrni tashkil etadi. Bu kichik arenada akademiyaning 6-10 yoshli tarbiyalanuvchilari mashg‘ulotlar olib borishadi.

- 2024-yil may oyida Olmaliq shahrida joylashgan “Quruvchilar” bog‘i foydalanishga topshirildi. Kombinat ishchi-xodimlari tomonidan bog‘ yangi qiyofaga keltirildi. 7,5 gektarlik park qiya yuzada joylashganligi sababli mutaxassislar yer ishlarini ham amalga oshirdilar. Bog‘ elektr va suv ta'minoti ta'minlandi. Obodonlashtirish va qurilish ishlari natijasida 3150 daraxt ko‘chati va 25000 gul ko‘chati ekildi. Yashil maydonlarning sug‘orish tizimi, bog‘ning yoritish tizimi yangilandi.

- 2024-yil avgust oyida kombinat mehnat faxriylari uchun “Nuroniylar maskani” foydalanishga topshirildi.

Maskanda otaxon va onaxonlar turli xil adabiyotlarni mutolaa qilishlari, shaxmat, shashka kabi sport o‘yinlarini o‘ynashlariga hamda ovqatlanishlari uchun sharoitlar yaratilgan. Ushbu ob'ektni ta'mirlash ishlari “Olmaliqmetallurgqurilish” tresti tomonidan bajarilib, maskan yangicha qiyofaga keltirildi. Ushbu maskanda bir vaqtning o‘zida 30 nafar nuroniylar vaqtlarini mazmunli o‘tkazishlari mumkin bo‘ladi.

- 2024-yil avgust oyida 100 ga yaqin ayollar malakali shifokorlar tomonidan yurak qon tomir kasalliklari bo‘yicha tezkor tibbiy tekshiruvdan o‘tkazildi.

Avgust oyida O‘zbekiston Respublikasi Sog‘liqni saqlash vazirligi Milliy tibbiyot markazi tomonidan Olmaliq shahar Tibbiyot birlashmasiga olib kelingan mobil angiograf tibbiy qurilmasi yordamida kombinatda mehnat qilayotgan, sharoiti og‘ir, yurak xastaligi bor ayollarning tibbiy ko‘rigi tashkil etildi.  Jami bo‘lib 100 ga yaqin ayollar malakali shifokorlar tomonidan yurak qon tomir kasalliklari bo‘yicha tezkor tibbiy tekshiruvdan o‘tkazildi.

- 2024-yil avgust oyida Oqqo‘rg‘on tumani “Eltamg‘ali” MFYda OKMK homiyligidagi qurilgan bolalar bog‘chasi va turar joy binosi foydalanishga topshirildi.

Oqqo‘rg‘on tumani “Eltamg‘ali” MFYda OKMK homiyligidagi qurilgan bolalar bog‘chasi va turar joy binosi foydalanishga topshirildi. Ushbu binolar qurilishi tugallanmagan bolalar bog‘chasi binosi o‘rnida qad rostladi. 2 qavatli binoda joylashgan bolalar bog‘chasi 80 o‘ringa mo‘ljallangan bo‘lib, bino to‘liq barcha jihozlar bilan ta'minlandi. Obyektning issiq va sovuq suv quvurlari, kanalizatsiya, tashqi issiqlik tizimlari yangilandi. Shuningdek, 2 qavatli binoda 14 ta 2 xonali xonadonlar ham o‘z egalariga topshirildi. Ushbu xonadonlardan endilikda boquvchisini yo‘qotgan, ijtimoiy himoyaga muhtoj 14 ta oila istiqomat qilishadi.

- 2024-yil sentyabr oyida “Mobil angiograf” sayyor shifoxonasi Tibbiy sanitar qismiga keltirilib, unda kombinat ishchi-xodimlari bepul tibbiy ko‘rikdan o‘tkazildi.

"Mobil angiograf” sayyor shifoxonasida 600dan oshiq dispanser nazoratidagi bemorlarning keng qamrovli tibbiy ko‘rigi o‘tkazildi. Bemorlarning orasidan saralab olingan 401 nafar bemorda yuqori texnologiyali koronarografiya amaliyotini o‘tkazildi. Ularning 100dan oshig‘iga yuqori texnologiyali jarrohlik amaliyotiga ko‘rsatma berilgan bo‘lib, 20dan oshiq bemor operasiya qilindi. Sayyor shifoxona yurak qon-tomirlari kasalliklariga erta bosqichda va o‘ta yuqori aniqlikda tashxis quyuvchi angiografiya uskunasidan tortib barcha turdagi yurak operasiyalarini o‘tkazishga mo‘ljallangan ilg‘or texnologiyalar bilan ta'minlangan. Ushbu ko‘rikka 20 dan ortiq mutaxassislar jalb qilingan bo‘lib ular orasida kardiojarroh, kardiolog, xirurg, proktolog, endokrinolog, ginekolog, travmotolog, aritmolog, kabi tor soha vakillari bor.

- 2024-yil oktyabr oyida Ijtimoiy ob'ektlar boshqarmasi tasarrufidagi 12-sonli “Daryocha” maktabgacha ta'lim tashkiloti to‘liq ta'mirlanib, foydalanishga topshirildi.

Ushbu obyekt Olmaliq kon-metallurgiya kombinati homiyligida ta'mirlandi. “Daryocha” nomli maktabgacha ta'lim tashkiloti 1964-yilda ishga tushirilgan bo‘lib, 96 o‘ringa mo‘ljallangan. Ta'mir ishlari pudrat tashkiloti “Olmaliqmetallurgqurilish” tresti tomonidan bajarilib, binoning barcha bo‘limlarida pardozlash ishlari amalga oshirildi.

- “OKMK sport majmuasi”da yangi futbol maydoni barpo etildi. OKMK stadionining yon qismidagi sun'iy maydon qayta rekonstruksiya qilinib, zamonaviy talablarga javob beradigan, “FIFA quality” sertifikatiga ega bo‘lgan, Turkiyaning “Hatko” kompaniyasi tomonidan ishlab chiqarilgan sun'iy qoplamali maydon maysa bilan to‘liq yangilandi va foydalanishga topshirildi. Mazkur maydon OKMK PFK akademiyasi tarbiyalanuvchilari uchun mo‘ljallangan.

- Toshkent viloyatining ijtimoiy soha ob'ektlari (maktabgacha ta'lim tashkilotlari, maktablar, shifoxonalar, oilaviy poliklinikalar) isitish qozonlari va issiqlik tizimini ta'mirlash maqsadida 22,2 mlrd so‘m homiylik mablag‘i ajratildi.

- Shayxontohur tumanidagi “Xadra”, “Gulbozor”, “Chaqar” va “Taxtapul” mahallalaridagi ijtimoiy himoyaga muhtoj aholi qatlamlarini moddiy qo‘llab quvvatlash va hududlarini obodonlashtirish ishlari uchun 1 mlrd so‘mlik homiylik mablag‘i ko‘rsatildi.

- “Yunusobod siti” hududida podstansiya va 110 kV kabel tarmog‘ini qurish ishlari ham OKMK tomonidan homiylik qilingan.

- Angren shahrida joylashgan 34-sonli ixtisoslashtirilgan maktab-internatni beg‘araz ijtimoiy va moddiy qo‘llab-quvvatlash maqsadida maktab binosidagi turar-joy binolarini ta'mirlash uchun qurilish materiallari ajratildi.

- Ayni kunlarda kombinat homiyligida Bekobod shahridagi ko‘p tarmoqli markaziy shahar poliklinikasida kapital ta'mirlash ishlari olib borilayapti. Ta'mir ishlari 2024-yilning oxiriga qadar tugallanishini belgilangan bo‘lib, kapital ta'mir ishlariga 2 mlrd so‘mdan oshiq mablag‘ yo‘naltirilishi ko‘zda tutilgan.

- Sirdaryoda viloyatdagi Muruvvat uyi ham OKMK homiyligida ta'mirlandi.