Joriy yilning 8-oktyabr kuni OKMKga Innovatsion rivojlanish agentligi direktori Sharof Rajabbayev boshchiligidagi delegatsiya tashrif buyurdi.

Mehmonlar va OKMK rahbariyati o‘rtasida tashkil etilgan uchrashuvda o‘zaro manfaatli hamkorlik aloqalari muhokama etildi.

Shuningdek, tadbir davomida Innovatsion texnologiyalarni tadbiq etish markazi direktori v.b. Amir Abidovning “2023-2026 yillarda “Olmaliq KMK” AJda amalga oshiriladigan “drayver” innovatsion loyihalar” mavzusidagi taqdimoti o‘tkazildi.

Bundan tashqari, “Olmaliq KMK” AJ Bosh muhandisning ilm-fan bo‘yicha o‘rinbosari Abdirashid Xasanovning “Olmaliq KMK” AJ mutaxassislari tomonidan ishlab chiqilgan muammolar va ularni hal etishga tadqiqot muassasalarini jalb etish” mavzusidagi ma'ruzasi tinglandi.

Mehmonlar tashrif davomida “Qalmoqqir” va “Yoshlik I” konlaridagi ishlab chiqarish jarayonlari bilan tanishdilar.

Shuningdek, mehmonlar 3-mis boyitish fabrikasining qurilish ishlarini ham ko‘zdan kechirishdi.

Axborot xizmati