Ma’lumki OKMKda faoliyat yuritib kelayotgan Muhandislik maktabida xorijiy ekspertlar va taniqli professorlar ishtirokida muntazam ravishda oʻquv kurslari tashkil etib kelinmoqda.

Ayniqsa, OKMK va Germaniya davlati kompaniyalari bilan hamkorlik doirasida tashkil etilayotgan oʻquv kurslari har tomonlama foydali boʻlmoqda.

Jumladan, “Olmaliq KMK” AJ “GERMAN INDUSTRY AND COMMERCE” MCHJ oʻrtasida “Skills Expert Programm” loyihasini amalga oshirish boʻyicha axborot marketing va maslahat xizmatlarini koʻrsatish toʻgʻrisidagi kelishuvga muvofiq, Germaniya standartlari asosida kombinatda kadrlar tayyorlash boʻyicha dual taʼlim tizimini joriy etishga qaratilgan “Workshop” tizimi asosida samarali ishlar amalga oshirilmoqda.

Xususan, “Workshop” tizimi asosida Oʻquv markazi Muhandislik maktabida 2025-yil 20-yanvar kuni 30 soatlik amaliy mashgʻulot boshlandi.

24-yanvarga qadar davom etadigan amaliy mashgʻulotlarda Muhandislik maktabi, tarkibiy korxonalar mutaxassislari, Oliy taʼlim muassasalari vakillari hamda kasb-hunar maktabi rahbarlari malaka oshirilishi belgilandi.

20-yanvar kuni tinglovchilarga amaliy mashgʻulotlarni oʻtish uchun “GERMAN INDUSTRY AND COMMERCE” MCHJning eksperti Sonya Ruyets tomonidan tanishuv-nazorat yigʻini boʻlib oʻtdi.

Shuningdek, Germaniyadan tashrif buyurgan mutaxassislar Muhandislik maktabi faoliyati bilan ham yaqindan tanishishdi.

Axborot xizmati