Bugun Korrupsiyaga qarshi kurashish agentligida Ochiqlikni taʼminlash sohasida amalga oshirilayotgan ishlarning samaradorligi va natijadorligini baholash komissiyasining yig‘ilishi bo‘lib o‘tdi.

Unda 2023-yil yakunlariga ko‘ra shakllantirilgan Ochiqlik indeksida davlat idoralari qayd etgan koʻrsatkichlar atroflicha muhokama qilinib, yakuniy natijalar jamoatchilikka eʼlon qilindi.

Ikkinchi bor eʼlon qilinayotgan Indeksda jami 103 ta (2022-yilda – 86 ta) davlat idoralari va tashkilotlari faoliyati qamrab olinib, 84 ta baholash mezonidan tarkib topgan 8 ta indikator asosida shakllantirildi.

Baholash natijalariga ko‘ra, 31 ta idora va tashkilot “yashil” (71-100 ball), 43 tasi “sariq” (55-71 ball) va 29 tasi “qizil” (55 balldan past) samaradorlik ko‘rsatkichlarini qayd etgan.

E’tiborlisi, Olmaliq kon-metallurgiya kombinati aksiaydorlik jamiyatlari oʻrtasida maksimum 88,3 baldan  86,8 ball olib 1-oʻrinni egalladi.

Shuningdek, Respublika davlat organlari va tashkilotlari orasida esa OKMK ikkinchi oʻringa loyiq koʻrildi.

Axborot xizmati