Ma'lumki, oktyabr oyining so‘nggi yakshanbasi mamlakatimizda "Avtomobil transporti xodimlari kuni" sifatida nishonlanib kelinadi.

Sana munosabati bilan OKMK transport sohasi xodimlari uchun bayram tadbiri tashkil etildi.

Tadbirda so‘z olgan OKMK Transport va logistika departamenti direktori Rustam Sanaqulov bugungi kunda avtomobil transport sohasi kombinat rivojida muhimi ahamiyatga ega ekanligini ta'kidlab, barchani kasb bayrami bilan samimiy muborakbod etdi.

Sana munosabati bilan, Texnologik transport boshqarmasi, Avtomobil transport boshqarmasi, Neft mahsulotlari ta'minoti boshqarmasi, Portlatish materiallari zavodi kabi tarkibiy bo‘linmalarda mehnat qilayotgan bir guruh soha vakillari rag‘batlantirildi.
Jumladan, 2 nafar ishchi uchinchi darajali “Konchilik shuhrati” ko‘krak nishoni bilan, 8 nafar soha vakili qimmatbaho sovg‘alar bilan, 4 nafari esa Faxriy Yorliqlar bilan taqdirlanishdi.

“Metallurg” MS ijodiy guruhlari tomonidan tayyorlangan konsert dasturi barchaga manzur bo‘ldi.

Bahriddin Usvaliyev,
TTB yoshlar ittifoqi raisi