Ma'lumki, ayni kunlarda Germaniya Federativ Respublikasi Federal Kansleri Olaf Shols rasmiy tashrif bilan mamlakatimizda bo‘lib turibdi.

Tashrif doirasida Samarqand shahrida O‘zbekiston va Germaniya ishbilarmon doiralari o‘rtasida davra suhbati o‘tkazildi. Unda OKMK rahbariyati ham ishtirok etdi.

Shundan so‘ng, “Olmaliq KMK” AJ va Germaniyaning “KfW IPEX Bank” va “AKA” banklari o‘rtasida kredit bitimi imzolandi. Unga ko‘ra nemis banklari yangi mis eritish majmuasining qurilishini moliyalashtirishni birinchi transhi uchun 146,0 mln yevro miqdorida mablag‘ taqdim etishadi.

OKMK Axborot xizmati