2024-yil 7-noyabr kuni Olmaliq kon-metallurgiya kombinatiga Xalqaro hamkorlik masalalari bo‘yicha Yevropa komissiyasi Bosh direktorining bosh maslahatchisi Henrik Hololey hamda Yevropa Ittifoqining O‘zbekistondagi elchisi Toyvo Klaar boshchiligidagi delegatsiya tashrif buyurdi.

OKMK rahbariyati va mehmonlar o‘rtasida tashkil etilgan uchrashuvda kombinat va Yevropa ittifoqi o‘rtasidagi muhim minerallar sohasidagi hamkorlik strategik ahamiyatga ega ekanligini ta’kidlandi. Uchrashuvda kelgusidagi o‘zaro manfaatli hamkorlik aloqalari bo‘yicha ham muzokaralar olib borildi.

Mehmonlar Qalmoqqir konidagi texnologik jarayonni kuzatishdi.

Shuningdek, ular 3-mis boyitish fabrikasining qurilish jarayoni bilan ham tanishdilar.

Axborot xizmati