Joriy yilning 10-fevral kuni Mis boyitish fabrikasi Kasaba uyushmasi qo‘mitasi hamda yoshlar ittifoqi hamkorligida fabrika ishchi-xodimlari o‘rtasida “Eng yaxshi Nazorat o‘lchov asboblari va avtomatika chilangari-2026” kasb mahorat tanlovi tashkil etildi.

Tanlov 2 bosqichda o‘tkazilib, 1-bosqichda ishtirokchilarning o‘z kasblari bo‘yicha nazariy bilimlari sinovdan o‘tkazildi. 1-bosqichdan muvaffaqiyatli o‘tgan 8 nafar ishtirokchi esa 2-bosqichda bellashishdi.

2-amaliy bosqichda ishtirokchilar avtomatika sohasiga oid topshiriqlarni bajarishdi.

Tanlov natijalariga ko‘ra, 3-o‘rinni 2-Maydalash boyitish majmuasi ishchisi Maftuna Ergasheva egalladi.

2-o‘rinni Texnologik jarayonlarni avtomatlashtirilgan boshqarish tizimlari xizmati ishchisi Muhammadsaid Sharofiddinov qo‘lga kiritdi.

“Eng yaxshi Nazorat o‘lchov asboblari va avtomatika chilangari”, deb Mis-molibden konsentratlarini saralash va quritish sexi ishchisi Eldor Hasanov e’tirof etildi.

G‘oliblar Kasaba uyushmasi qo‘mitasi tomonidan esdalik sovg‘alar bilan taqdirlanishdi.

Kamoliddin Abdiqulov,

MBF Yoshlar ittifoqi raisi